मृतक साथीको पर्स चोरेर रेस्टुराँमा खान गइन् महिला

एजेन्सी – बेलायतमा एक महिलाले मित्रताको सम्बन्धको बेइज्जती गरेको खबर आएको छ ।

ग्रेटर म्यानचेस्टर एरियाकी जेन गडफ्रे नामक महिलाको केही समयपहिले निधन भएको थियो । उनको मृत्युपछि उनको बैंक कार्ड हराएको थियो ।

 

प्रहरी अनुसन्धानमा जेनकी साथी टेरेली यिट्स यसका लागि जिम्मेवार रहेको पायो ।

टेरेली जेनको घरमा पुग्दा जेनको मृत्यु भइसकेको थियो । टेरेलीले अस्पतालमा कल पनि गरेकी थिइन् । त्यसपछि उनी जेनको एटीएम कार्ड लिएर हिँडिन् ।

ad

जेनकी छोरी स्याडी बर्डले यसबारेमा बताइन्, ‘यस्तो क्रूरता त हरर फिल्ममा पनि हुन्न होला । म आमाको घर जाँदा सबै सामान यताउता फ्याँकिएको थियो । उहाँको बैंक स्टेटमेन्ट छरिएको थियो । ब्याग र पर्स खाली थिए । ल्यापटप पनि थिएन । उहाँको साथीले यस्तो घिनलाग्दो काम गर्लिन् भन्ने कल्पना पनि थिएन ।’

टेरेलीले जेनको एटीएम कार्ड लिएर म्याकडोनल्ड्समा गएर टन्न खाएकी रहिछन् । जेनले टेरेलीलाई विश्वास गर्दै एटीएमको पिनकोड दिएको पाइयो ।

कोरोना महामारीका कारण आफूले आमाको अन्त्येष्टि पनि राम्रोसँग गर्न नपाएको गुनासो स्याडीले गरिन् ।

याे पनि हेर्नुस्
Loading...