यी ४१ राजनीतिक दल खारेज (विवरणसहित)

१९ साउन, काठमाडौं । निर्वाचन आयोगले विभिन्न ४१ दल खारेज गरेको छ । आयोगको आज मङ्गलवार बसेको बैठकले ४१ दलको दर्ता खारेज गरेको हो । लगातार तीन वर्षसम्म लेखापरीक्षण प्रतिवेदन समयभित्रै आयोगमा नबुझाएको भन्दै ती राजनीतिक दलको दर्ता खारेज गरेको आयोगले जनाएको छ ।

खारेज भएका राजनीतिक दलहरूको नाम, झण्डा, चिह्न दर्ता खारेज भएको मितिले एक वर्षसम्म अन्य कुनै दलले प्रयोग गर्न नपाउने गरी आयोगबाट निर्णय भएको छ ।

यसरी विभिन्न ४१ दलको दर्ता खारेज भएपछि आयोगमा एक सय ३६ वटा दल दर्ता रहेकोमा ९५ वटा दलको मात्र दर्ता कायम रहन पुगेको छ । दल दर्ता खारेज भएका ४१ राजनीतिक दलका केन्द्रीय पदाधिकारी र सदस्यहरूको नाम नामेसी सहितको विवरण छुट्टा–छुट्टै तयार गरी प्रत्येक राजनीतिक दललाई तोकिएको जरिबाना रकम पचास हजार रुपैयाँ असुल गर्ने पनि आयोगले निर्णय गरेको छ ।

news center of article

राजनीतिक दलसम्बन्धी ऐन २०७३ बमोजिम आयोगमा दर्ता भएका दलहरूले आफ्नो आय र व्ययको वास्तविक हिसाब–किताब देखिने गरी लेखा राख्नुपर्ने र आर्थिक वर्ष समाप्त भएको ६ महिनाभित्र परीक्षण गराइ एक महिनाभित्र आयोगमा पेस गर्नुपर्ने व्यवस्था छ ।

आयोगले पटक–पटक म्याद थप गरेर अवसर दिँदा पनि दलहरूले लेखा परीक्षण नगराएकाले बाध्य भएर दल दर्ता नै खारेज गर्नुपरेको निर्वाचन आयोगले जनाएको छ।

याे पनि हेर्नुस्
Loading...