चीनबाट थप खाेप काठमाडाैं ल्याइयाे, भाेलि पुनः जहाज बेइजिङ जाने

काठमाडौं, साउन ८ गते । चीनबाट नेपालले खरिद गरेको ४० लाख थप भेराेसेल खाेपकाे आज काठमाडौं आइपुगेको छ । नेपाल वायुसेवा निगमको वाइडबडी जहाज ३३० शुक्रबार १ः३० बजे काठमाडौं अवतरण भएसँगै नेपालले खरिद गरेकाे २५ लाख डोज खोप काठमाडौं आइपुगेको हो ।

निगमको वाइडवडी ३३० जहाजले एक पटकमा आठ लाख डोज ‘भेरोसेल’ खोप कार्गो गर्नेछ । बिहीबार २.०० बजे काठमाडौं आएपछि जहाज पुनः बेइजिङ पुगेर खोप ल्याएको हो । बुधबार राती ११ बजे बेइजिङतर्फ उडेको जहाजले आठ लाख डोज खोपकाे कार्गो ल्याएर त्रिभुवन अन्तर्राष्ट्रिय विमानस्थल अवतरण गरेको निगमका महाप्रबन्धक डिमप्रसाद पौडेलले जानकारी दिनुभयो ।

news center of article

चौथो पटक खोप ल्याउन निगमको वाइडबडी ३३० जहाज शनिबार पुनः बेइजिङ उड्ने उहाँले जानकारी दिनुभयो । सरकारले प्राप्त खोपलाई अग्रभागमा खटिने कर्मचारी, ५० वर्षमाथिका नागरिक र आवश्यकताका आधारमा वितरण गर्ने जनाएको छ ।

यस अघि असार २५ गते सरकारले पहिलो पटक आठ लाख नौ हजार ६०० डोज खोप ल्याएको थियो । हालसम्म करिब २५ लाख डोज खोप ल्याइसकेको निगमले जनाएको छ । सरकारले चीन सरकारसँग सरकार–सरकार (जिटुजी) मार्फत जम्मा ४० लाख डोज खोप ल्याउने तय भएकाे थियाे ।

याे पनि हेर्नुस्
Loading...