भारतविरुद्ध यस्तो छ नेपालको सुरुवाती–११

काठमाडौं । नेपालले साफ च्याम्पियनसिप २०२१ मा उपाधिका लागि आझ भारतसँग प्रतिस्पर्धा गर्दैछ । नेपाल र भारतबीचको खेल नेपाली समयअनुसार राति ८ः४५ बजे हुनेछ ।

साफमा पहिलोपटक फाइनल पुगेको नेपालले भारतविरुद्ध खेल्ने आफ्नो अन्तिम–११ सार्वजनिक गरेको छ ।

नेपाललाई आजको खेलमा भारतलाई पराजित गर्दै इतिहास रच्ने मौका छ । तर, इतिहास हेर्दा नेपालमाथि भारत हाबी छ । अहिलेसम्म नेपाल र भारत २२ खेलमा आमनेसामने भएका छन् । जसमा भारतले १५ खेलमा जित हात पारेको छ । जबकि नेपालले २ खेलमात्र जितेको छ । नेपालले पाँच खेल बराबरीमा रोकेको छ ।

भारतले यस प्रतियोगितामै सातपटक उपाधि उचालिसकेको छ ।  लिग चरणको अन्तिम खेलमा भारतले साविक विजेता माल्दिभ्सलाई ३–१ ले हराउँदै फाइनलमा नेपालसँगको भेट पक्का गरेको थियो ।

यता नेपालले बंगलादेशसँग १–१ को बराबरी गर्दै साफ च्याम्पियनसिपको फाइनलमा स्थान बनाएको हो ।

यस्तो छ भारतविरुद्ध खेल्ने नेपाली टिम :
गोलकिपर : किरण चेम्जोङ
डिफेन्डर : अनन्त तामाङ, गौतम श्रेष्ठ, दिनेश राजवंशी, सुमन अर्याल
मिडफिल्डर : पुजन उपरकोटी, तेज तामाङ, रोहित चन्द
फरवार्ड : सुजल श्रेष्ठ, नवयुग श्रेष्ठ, सुमन लामा

याे पनि हेर्नुस्
Loading...