सेयरबजारमा लगानीकर्ता मालामाल, एक वर्षमै २२ खर्ब १८ अर्बले सम्पत्ति बढ्यो !

८ असार, काठमाडौं । त्यस्तै एक वर्षमा लगानीकर्ताको सम्पत्ति २२ खर्ब १८ अर्ब बृद्धि भएको देखिन्छ । गत वर्षको असारमसान्तमा १७ खर्ब ९२ अर्ब रहेको बजार पुँजीकरण यो वर्षको असारमसान्तमा आइपुग्दा ४० खर्ब १० अर्ब पुगेको । साथै यो समयमा बजारमा सुचिकृत भएको सेयर संख्या पनि २० प्रतिशतले बढेको छ ।

गत वर्ष १३ सय ६२ दशमलव तीन पाँच अंकमा रहेको सेयरबजार परिसुचक नेप्से यो वर्षको सोहि अवधिमा १ सय ११ दशमलव छ पाँच प्रतिशतले बढेर २८ सय ८३ दशमलव तीन आठ अंक कायम भयो । यसरी एक वर्षमा परिसुचक १४ सय ६१ अंक बढ्दा लगानीकर्ताले त कमाएनै ब्रोकर कम्पनी र सरकारलाई पनि राम्रो आम्दानी भएको देखिन्छ । ।

सेयरबजारमा बढेको कारोबारबाट सरकारलाई पुँजीगत लाभकरबापत १४ अर्ब ३४ करोड आम्दानी भएको छ । गत वर्ष ८७ करोड मात्रै आम्दानी भएकोमा यो वर्षको सोहि अवधिमा यस्तो आम्दानी १३ अर्ब ४७ करोड अर्थात १५ गुणाले बढेको छ ।

news center of article

त्यस्तै ब्रोकरको आम्दानीमा लाग्ने आयकरबाट पनि राज्यले १ अर्ब ३९ करोड कमाएको छ । गत वर्ष १८ करोड मात्रै आम्दानी भएकोमा यो वर्षको सोहि अवधिमा यस्तो आम्दानी ६ गुणाले बढेको छ । त्यस्तै नेपाल स्टक एक्सचेन्जले यो वर्ष सेयर कारोबारबाट १ अर्ब ८१ करोड कमाएको छ । गत वर्ष २९ करोड मात्रै आम्दानी गरेको नेप्सेले यो वर्ष थप १ अर्ब ५२ करोड अर्थात आम्दानीमा ५ गुणाले बृद्धि भएको छ ।

सेयरबजारको नियमनकारी निकाय धितोपत्र बोर्डले पनि यो वर्षको असारमसान्तसम्म ४३ करोड ४२ लाख आम्दानी गरेको छ । जबकी गत वर्ष यस्तो आम्दानी ४ करोड २४ लाख मात्रै थियो ।

यसरी हेर्दा एकै वर्षमा बोर्डको आम्दानी ३९ करोड १८ लाख अर्थात ९ गुणाले बढेको छ । सेयर कारोबार गराउने ५० वटा ब्रोकर कम्पनीले ९ अर्ब ३१ करोड कमाएका छन् । गत वर्ष १ अर्ब २० करोड कमाएका ब्रोकरहरुको आम्दानी ८ अर्ब ११ करोड अर्थात ६ गुणाले बढेको छ । ब्रोकरेज फि बैज्ञानिक नभएको र ब्रोकरेज फिमा नेप्से र धितोपत्र बोेर्डले लिने शुल्क समाहित गर्न नहुने देखिन्छ ।

याे पनि हेर्नुस्
Loading...