व्यक्तिगत डेटा दुरुपयोगमा अमेजनलाई अहिलेसम्मकै धेरै एक खर्बभन्दा बढी जरिवाना

विश्वकै एक ठूलो अनलाइन सपिङ कम्पनी अमेजनले डेटा दुरुयोग गरेको पाइएपछि एक खर्बभन्दा धेरै जरिवान तिर्नु पर्ने भएको छ ।

‘युरोपियन डेटा प्रोटेक्सन ल’ उल्लंघन गरेपछि ‘लक्जेम्बर्ग नेसनल कमिसन फर डेटा प्राटेक्सन’ले ८८६.६ मिलियन अमेरिकी डलर अर्थात झन्डै १ खर्ब ५ अर्ब ४१ करोड रुपैयाँभन्दा धेरै जरिवाना तिराइएको हो ।

‘टेक जाइन्ट’ अमेजनलाई तोकिएको उक्त जरिवाना अहिलेसम्म कै धेरै भएको अन्तर्राष्ट्रिय समाचार एजेन्सीहरुले जनाएका छन् ।

अमेजनले भने आफूले डेटाको कुनै पनि दुरुपयोग नगरेको जनाएको छ । बीबीसीका अनुसार अमेजनले जरिवाना दोषका आधारमा हुनुपर्ने बताउँदै यस जरिवानाको प्रतिरक्षा गर्ने जनाएको छ ।

युरोपियन युनियनको जेनेरल डेटा प्रोटेक्सन रेगुलेसन ९जीडीपीआर० नियमअनुसार कुनै पनि व्यक्तिको व्यक्तिगत डेटा प्रयोग गर्दा उसको सहमति लिन आवश्यक हुन्छ ।

लक्जेम्बरको डेटा प्रोटेक्सन अथोरिटीले जुलाई १६ मा उक्त जरिवाना तिराउने निर्णय गरेको थियो ।

news center of article

पछिल्लो समयमा विश्वका ठूला टेक कम्पनीले डाटाको दुरुपयोग र गोपनीयता हनन् गरिरहेको भन्ने समाचार आइरहेको बेला लक्जेम्बर्गले अमेजनलाई कारवाही गरेको छ । साथै, अमेजन जस्ता विश्वका शक्तिशाली टेक कम्पनीले बजारमा एकाधिकार गरेको र शक्तिको दुरुपयोग गरेको पनि आरोप लाग्दै आएको छ ।

अमेजन युरोपियन युनियनबाट जरिवानामा पर्ने पहिलो ठूलो कम्पनी भने होइन तर यसलाई तिराइएको जरिवाना भने सन् २०१८ मा यो कानुन कार्यान्वयमा आएपछिको सबैभन्दा धेरै हो ।

यसअघि गुगल, ब्रिटिस एयरवेज, एच एण्ड एम र मेरिट होटल जस्ता कम्पनी पनि जरिवानामा परेका छन् तर उनीरुको जरिवाना यति धेरै थिएन । यति धेरै ठूलो जरिवाना तिराउने गरी अमेजनले के गरेको भन्ने विषय स्पष्टरुपमा नखुलेको समाचारमा बताइएको छ।

‘ग्राहकको सुरक्षा, सूचना र उनीहरुको विश्वास हाम्रो पहिलो प्राथमिकता हो,’ अमेजनकी प्रवक्ताले बीबीसीलाई भनेकी छन्, ‘डेटाको दुरुपयोग भएको छैन । थर्डपार्टीलाई कुनै पनि ग्राहकको डेटा दिइएको छैन ।’ लक्जेम्बर कमिसनको जरिवानाप्रति पूर्णरुपमा असहमति रहेको उनको भनाइ छ ।

यसअघि नोभेम्बरमा युरोपियन युनियनले अनलाईन व्यवसायमा ठूलो कम्पनी भएको आधारमा शक्ति दुरुपयोग गरेको र प्रतिस्पर्धीबाट अस्वस्थ फाइदा लिएको आरोप लगाएको थियो ।

 

याे पनि हेर्नुस्
Loading...