काठमाडौं ।
अर्को महिना स्कटल्याण्ड, नामिबिया र नेपालबीच हुने त्रिदेशीय सिरिजअघि क्रिकेट स्कटल्याण्डले टोलीको घोषणा गरेको छ । टिमको कप्तानी रिची बेरिङ्टनले गर्नेछन् । टोलीमा कूल १४ खेलाडी समावेश गरिएको छ ।
खेलाडीको नेतृत्व क्षमता र उपस्थिति, व्यवहार, रणनीति, मूल्यमान्यता आदिका आधारमा वरिष्ठ खेलाडी र क्रिकेट स्कटल्याण्डका अन्तरिम प्रदर्शन प्रमुखसँगको परामर्शमा बेरिङटनलाई प्रशिक्षक बनाउने निर्णय गरिएको हो । यी सबै कुरालाई ध्यानमा राख्दै, बेरिङ्टनलाई टोलीको कमाण्ड दिइएको थियो।
‘म यो टोलीको नेतृत्व गर्न र मेरो देशको प्रतिनिधित्व गर्न पाउँदा अविश्वसनीय रूपमा सम्मानित र विशेषाधिकार महसुस गर्छु,’ बेरिङटनले नयाँ जिम्मेवारीबारे भने,’ ‘हामीसँग दक्ष र प्रतिभाशाली खेलाडीहरूको समूह छ र हाम्रो टोलीमा धेरै अनुभव छ तर एक समूहको रूपमा हामी सधैं सुधार गर्ने तरिकाहरू खोजिरहेका छौं । म टोलीलाई स्थिर रूपमा बढेको हेर्न चाहन्छु । एक टोलीको रूपमा, हामी अगाडि तीन घरेलु शृंखलाहरू हुनेछ भनेर सोचिरहेका छौं । यो टोलीका लागि ठूलो अवसर हुनेछ । हामी आशावादी छौं कि हामीले घरेलु भीडको अगाडि केही राम्रो नतिजा दिन सक्षम हुनेछौं ।’
सिरिज स्कटल्याण्डमा जुलाई १० देखि १७ सम्म हुनेछ । सार्वजनिक खेल तालिकाअनुसार नेपालले ११ जुलाईमा नामिबियाविरुद्धकाे खेलबाट सिरिजकाे सुरुवात गर्नेछ । यस्तै, नेपालले दोस्रो खेल स्कटल्याण्डविरुद्ध १३ जुलाईमा, तेस्रो खेल नामिबियाविरुद्ध १६ जुलाइ र चाैथाे तथा अन्तिम खेल स्कटल्याण्डविरुद्ध १७ जुलाईमा खेल्ने छ ।
सिरिजअघि नेपालले क्यानडामा एक अभ्यास तथा दुई एकदिवसीय अन्तर्राष्ट्रिय खेल खेल्ने छ । नेपालले १ जुलाईमा ओन्टारियाे क्रिकेट एकेडेमी क्लबसँग अभ्यास तथा जुलाइ ४ र ५ मा क्यानडाकाे राष्ट्रिय टाेलीसँग दुई खेलकाे एकदिवसीय अन्तर्राष्ट्रिय सिरिज खेल्ने भएकाे हाे ।
स्कटल्याण्डको टोली : रिची बेरिङट्न, म्याथ्यू क्रस, काइल कोएत्जर, कलम म्याक्लियोड, जर्ज मुन्से, डिलन बज, मार्क वाट, सैफयान शरीफ, माइकल लीस्क, गेभिन मान, एड्रियन नील, हमजा ताहिर, क्रिस सोल, क्रिस म्याकब्राइड ।
