काठमाडौं ।
यूईएफए सुपर कपको उपाधि युरोपेली च्याम्पियन्स लिगको विजेता रियल म्याड्रिडले जितेको छ। रियलले युरोपा लिग विजेता आइनट्राक्ट फ्रान्कफर्टलाई २-० ले हराउँदै यस सिजनको यूईएफए सुपर कपको उपाधि हात पारेको ह।
रियल म्याड्रिडको जितमा डेविड अलाबा र करीम बेन्जेमाले १-१ गोल गरे। खेलको ३७ औं मिनेटमा अलाबाको गोलमा रियलले सुरुआती अग्रता लिएको थियो।
पहिलो हाफसम्म १-० ले अगाडि रहेको रियलले दोस्रो हाफमा थप एक गोल गर्यो। खेलको ६५ औं मिनेटमा बेन्जेमाले रियलको अग्रता दोब्बर पारे। योसँगै रियल म्याड्रिडले सुपर कप जित्ने सूचीमा बार्सिलोना र एसी मिलानसँग बराबरी गरेको छ।
तीन टोलीले समान ५-५ पटक सुपर कप उपाधि जितेका छन्। लिभरपुलले ४ पटक उपाधि जितेको छ। इंग्लिस प्रिमियर लिग क्लब ब्रेन्टफोर्डले डेनिस विंगर मिकेल डाम्सगार्डलाई अनुबन्ध गरेको छ ।
प्रिमियर लिग क्लबले विंगर मिकेललाई इटालियन क्लब साम्पडोरियाबाट अनुबन्ध गरेको हो । मिकेललाई ब्रेन्टफोर्डले २० मिलियन युरोमा अनुबन्ध गरेको हो। २२ वर्षीय मिकेलले ब्रेन्टफोर्डसँग ५ वर्षको सम्झौता गरेका छन्।
मिकेलले इटालियन क्लबका लागि ४९ खेल खेलेका छन् । गत सिजन उनले ११ खेल खेलेका थिए । मिकेलले डेनमार्कका लागि १६ खेलमा ४ गोल गरेका छन् ।
