Khabar Board
Flash logo up side
Nirbachan aayog

बैतडीकाे सिगासमा युवाहरूले संचालन गरेको ‘आफ्नो गाउँ आफै बनाउ’ अभियान प्रभावकारी बन्दै

Nirbachan m

बैतडी

बैतडी जिल्लाको सिगास गाउँपालिका वडा नं.०२ गाँजरी खुदाईनगरका युवाहरुले संचालन गरेको ‘आफ्नो गाउँ-आफै बनाउँ’ अभियान प्रभावकारी बन्दै गएको छ। खुदाईनगरका युवाहरू द्वारा आफ्नो गाउँको बिकासका लागि आफै अग्रसर हुनुपर्छ भन्दै बिगत एक बर्ष देखि सुरु गरिएको उक्त अभियान प्रभावकारी बन्दै गएको हो ।

स्थानीय सरकारलाई गुहार गर्दा गर्दै थाकेका खुदाईनगर बासिको अनुहारमा खुसि ल्याउन र आफ्नो टोलमा रहेका जनशक्तिको दक्षता र क्षमता अभिबृद्वि गराई बिकासमा टेवा पुर्‍याउन युवाहरूले ल्याएको रणनीतिले अहिले खुदाईनगर टोलको मुहार फेरिदै गएको छ । राजनीतिक रुपमा पहुँच कम देखिएका खुदाईनगर बासिले अहिले छुट्टै रणनीति अपनाएका छन् । युवाहरूको जुरमुरावट र परिवर्तनकारी कदम देखेर बर्षौ देखि गुम्सिएका खुदाईनगरबासिको अनुहारमा खुसियाली छाएको छ ।

युवाहरु द्वारा संचालित ‘आफ्नो गाउँ-आफै बनाउँ’ अभियान अन्तर्गत टोल सरसफाइ र स्वास्थ्य सुरक्षा सम्बन्धि सचेतना मुलक कार्यक्रम , मास्क र साबुन बितरण , बाटो घाटो निर्माण , कुलो र घट्ट निर्माण , कुवा,पानी धारा निर्माणस , नि : शुल्क ट्युसन क्लास संचालन लगायतका विभिन्न कार्यहरु गरिएको खुदाईनगरका स्थानीय उद्वब चर्मकारले बताए । उहाँका अनुसार खुदाईनगरका युवा धुर्ब किरण भुल,जनक चर्मकार र उद्वब चर्मकारको नेतृत्व र खुदाईनगरका सम्पूर्ण युवाहरू सङ्गको समुन्वय सङ्गै खुदाईनगरबासिको सहभागीतामा उक्त अभियान संचालन गरिएको जनाए ।

स्थानीय सरकारलाई जति गुहार गर्दा समेत कुरै नसुन्ने गरे पछि युवाहरूले ल्याएको फरक रणनीतिले अहिले टोलले नयाँ मोड लिएको स्थानीय घनश्याम चर्मकारले बताए । उहाँका अनुसार युवाहरूले गरेको आन्तरिक समुन्वय र बिकासको रणनीतिले टोलको मुहार फेर्नमा एकदमै महत्त्वपूर्ण भुमिका खेलेको जनाए।

युवाहरूले गरेका कामहरु प्रती आफुहरु सकरात्मक र खुसि रहेको खुदाईनगर बासिको भनाई रहेको छ।उनिहरुका अनुसार युवाहरूले बनाएको जुनसुकै रणनीतिमा पनि आफुहरु सकरात्मक रहने र आउँदो चुनावमा पनि युवाहरूको रणनीति एकदमै प्रभावकारी रहने समेत बताए ।

अहिले खुदाईनगरका युवाहरु चुनाव नजिकिए सङ्गै राजनीतिमा पहुँच पुगाउने उदेश्यका साथ आन्तरिक छलफल र समुन्वयमा लागेका छन् । उनिहरुले अहिले आन्तरिक छलफल र समुन्वय सङ्गै वडा नं.०२ का अन्य टोलका र सिगास गाउँपालिका भरिकै युवाहरू,बुद्धिजीवी,शिक्षित बर्ग र राजनितीज्ञहरु सँगको सहकार्य
र छलफललाई समेत अगाडि बढाई रहेका छन्। उनिहरु यश पटक हुने चुनावमा आफुहरु प्रति सकरात्मक धारणा बोक्ने र बिकासका लागि पछि नहट्ने सक्षम नेतृत्व चयनका लागि आन्तरिक छलफलमा रहेका छन्।

सामाजिक विकास मन्त्रालय सुदूरपश्चिम प्रदेश, धनगढी, कैलाली 11
याे पनि हेर्नुस्
प्रतिक्रिया दिनुहाेस्

Your email address will not be published.