Khabar Board
Flash logo up side
Nirbachan aayog

यूएईमाथि अष्ट्रेलियाको रोमाञ्चक जित, पुग्यो फिफा विश्वकप नजिक

Nirbachan m

काठमाडौं ।

एसियाली प्लेअफमा संयुक्त अरब इमिरेट्स (यूएई) माथि जित निकाल्दै अस्ट्रेलिया फिफा विश्वकप कतार २०२२ नजिक पुगेको छ । उसले गएरातिको खेलमा २–१ को रोमाञ्चक जित दर्ता गर्‍यो । कतारस्थित अहमद विन अली स्टेडियममा अस्ट्रेलियालाई जित दिलाउन ज्याक्सन इर्भिन र एज्दिन रुस्टिकले गोल गरे ।

यूएईका काइओले एक गोल फर्काए । खेलको ५३ औं मिनेटमा ज्याक्सनले गोल गर्दै अस्ट्रेलियालाई सुरुवाती अग्रता दिलाएका थिए । तर, अस्ट्रेलियाको अग्रता लामो समय टिकेन । ५७ औं मिनेटमा यूएईका काइओले गोल गर्दै खेल बराबरीमा ल्याए ।

८४ औं मिनेटमा एज्दिनले गोल गर्दै अस्ट्रेलियालाई २–१ को रोमाञ्चक जित दिलाउँदै विश्वकप नजिक पुर्याए । अब अस्ट्रेलियाले विश्वकपमा स्थान बनाउन सोमबार दक्षिण अमेरिकी प्रतिद्वन्द्वी पेरुको सामना गर्नेछ ।

नेसन्स लिगमा हंगेरीमाथि इटालीको रोमाञ्चक जित

यूइएफए नेसन्स लिगअन्तर्गत गएरातिको खेलमा घरेलु टोली इटाली विजयी भएको छ । ऊ लिग ‘ए’ अन्तर्गत समूह तीनको खेलमा हंगेरीमाथि २–१ गोल अन्तरले विजयी भएको हो ।

ओरोगेल स्टेडियम डिनो मानुजीमा भएको खेलको ३० औं मिनेटमा निकोलो बरेलाको गोलबाट इटालीले सुरुवाती अग्रता लिएको थियो । ४५ औं मिनेटमा लोरेन्जो पेलिग्रेनीले घरेलु टोलीको अग्रता दोब्बर पारे । ६१ औं मिनेटमा जियानलुका मान्सिनीले आत्मघाती गोल गरेपछि खेल २–१ को अवस्थामा आयो । त्यसपछि थप गोल निस्कन नसक्दा इटालीले २–१ को रोमाञ्चक जित निकालेको हो ।

जितसँगै दुई खेलमा चार अंक जोडेको इटाली शीर्ष स्थानमा उक्लदाँ पराजित हंगेरी पनि समान खेलबाट चार अंकमा साथ दोस्रो स्थानमा छ । यही समूहको अर्को खेलमा जर्मनी र इंग्ल्याण्डले १–१ को बराबरी खेलेका छन् । लिगअन्तर्गतकै अन्य खेलमा फिनल्याण्ड, बोस्निया एण्ड हर्जगोभिना, टर्की र लक्जेम्बर्गले पनि जित हात पारेका छन् ।

सामाजिक विकास मन्त्रालय सुदूरपश्चिम प्रदेश, धनगढी, कैलाली 11
याे पनि हेर्नुस्
प्रतिक्रिया दिनुहाेस्

Your email address will not be published.