Khabar Board
Flash logo up side
flash header

चार वर्षपछि बैंगलुरूमा भिड्दै दुई टोली

Nirbachan m

काठमाडौँ। इन्डियन प्रिमियर लिग (आईपीएल)अन्तर्गत सोमबार रोयल च्यालेन्जर्स बैंगलुरू र पञ्जाब किंग्स भिड्दै छन्। बैंगलुरूस्थित एम चिन्नास्वामी स्टेडियममा हुने खेल नेपाली समय अनुसार साँझ ७: ४५ बजेदेखि शुरू हुनेछ।

शुक्रबार सम्पन्न उद्धघाटन खेलमा साविक विजेता चेन्नई सुपर किंग्सले बैंगलुरूलाई ६ विकेटले पराजित गरेको थियो। पञ्जाबले भने आफ्नो पहिलो खेलमा दिल्ली क्यापिटल्सलाई ४ विकेटले पराजित गर्दै सिजनको सुखद् शुरूआत गरेको थियो

दुवै टोली चार वर्षपछि बैंगलुरूको मैदानमा आमनेसामने हुन लागेका हुन्। यसअघि सन् २०१९ मा यी दुई टोली यस मैदानमा भिडेका थिए। उक्त खेलमा बैंगलुरू १७ रनले विजयी भएको थियो।

आईपीएलको इतिहासमा बैंगलुरू र पञ्जाबबीच अहिलेसम्म ३१ खेल भएका छन्। जसमा बैंगलुरूले १४ खेल जितेको छ भने पञ्जाबले १७। बैंगलुरूको घरेलु मैदान एम चिन्नास्वामी स्टेडियममा यी दुई टोलीबीच अहिलेसम्म ११ वटा खेल भइसकेका छन्। बैंगलुरूले ६ र पञ्जाबले ५ जित हात पारेको छ।

बैंगलुरूको बलियो ब्याटिङ लाइनअप छ। जसमा कप्तान फाफ डु प्लेसिस, विराट कोहली, रजत पाटीदार, ग्लेन म्याक्सवेल, क्यामरुन ग्रीन र दिनेश कार्तिक जस्ता नामहरू छन्।

म्याक्सवेल, ग्रीन र कार्तिकले फिनिशरको भूमिका राम्रोसँग निर्वाह गर्न सक्छन्। टोलीले अल्जारी जोसेफ, यश दयाल र लोकी फर्गुसनलाई किनेर बलिङ लाइनअप पनि बलियो बनाएको छ।

Center article

तर, अनुज रावत (४८) र दिनेश कार्तिक (३८) बाहेक चेन्नईविरुद्ध कसैले ठूलो इनिङ्स खेल्न सकेनन्। यो सिजनको सर्वाधिक रन बनाउने खेलाडी अनुज हुन्। क्यामरुन ग्रीन सर्वाधिक विकेट लिने खेलाडी हुन्।

बैंगलुरूको मैदानमा विराट कोहली सर्वाधिक रन बनाउने खेलाडी हुन्। उनले ८० खेलमा २६७५ रन बनाएका छन्। यस मैदानमा उनले २० अर्धशतक पनि बनाएका छन्।

यता, बैंगलुरूका कप्तान फाफ डुप्लेसिसले यस मैदानमा खेलेका १० मध्ये ५ खेलमा अर्धशतक बनाएका छन्। यो सिजन पनि उनी उत्कृष्ट फर्ममा देखिन्छन्।

पञ्जाब टोलीमा शिखर धावन, रिले रुसो, लियाम लिभिङ्स्टन, जोनी बेयरस्टो, प्रभसिमरन सिंह र जितेश शर्माजस्ता ब्याटर छन्। अर्शदीप सिंह, कागिसो रबाडा, नाथन एलिस र क्रिस वोक्सजस्ता बलर पनि हैदरावादको टोलीमा छन्। हर्षल पटेलको आगमनसँगै डेथ ओभरमा टोलीको बलिङ घातक बनेको छ।

साम कुरानजस्ता अलराउन्डर पनि छन्। सामले अन्तिम खेलमा टोलीको जितमा महत्त्वपूर्ण भूमिका खेलेका थिए। उनी अहिले टोलीका लागि सर्वाधिक रन बनाउने खेलाडी हुन्। अर्शदीपले सर्वाधिक विकेट लिएका छन्।

याे पनि हेर्नुस्
प्रतिक्रिया दिनुहाेस्

Your email address will not be published.