Khabar Board

हैदराबादले दियो मुम्बईलाई २ सय ७८ रनको लक्ष्य, तोडियो आरसिबीको कीर्तिमान

काठमाडौं । १७ औं संस्करणको ईन्डियन प्रिमियर लिग(आइपीएल)मा सनराईजर्स हैदराबादले मुम्बई ईन्डियन्सलाई २ सय ७८ रनको लक्ष्य दिएको छ ।

आईपीएल ईतिहासमा सर्वाधिक स्कोर बनाएको छ । यस अघि २०१३ मा रोयल च्यालेन्जर्स बेंगलुरुले पुने वारियर्स ईन्डियाविरुद्ध २ सय ६३ रन बनाएको थियो ।

घरेलु मैदान राजिव गान्धि क्रिकेट स्टेडियममा टस हारेर पहिले ब्याटिङ गरेको घरेलु टोलीले निर्धारित २० ओभरमा ३ विकेट गुमाएर २ सय ७७ रन बनायो ।

हैदराबादका लागि हेनरिक क्लेसन, अभिसेक शर्मा र ट्राभिस हेडले अर्धशतक बनाए । शर्माले ३ चौका र ७ छक्काको सहयोगमा ६३ रन बनाए । ओपनर हेडले २४ बलमा ९ चौका र ३ छक्काको सहयोगमा ६२ रन बनाए । दोस्रो विकेटका लागि शर्मा र हेटले २३ बलमा ६८ रनको सानदार साझेदारी गरे ।

क्लेसनले ३४ बलमा ४ चौका र ७ छक्काको सहयोगमा अविजित ८० रन बनाए । एडेन माक्ररमले २८ बलमा २ चौका र १ छक्काको सहयोगमा अविजित ४२ रन बनाए । क्लेसन र माकरमले चौथो विकेटका लागि ५५ बलमा अविजित १ सय १६ रनको साझेदारी गरे ।

मुम्बईका लागि जसप्रित बुमराहबाहेकका बलरले १० माथिको ईकोनोमीमा रन खर्चिएका थिए ।

 

Hetuda computer
याे पनि हेर्नुस्
प्रतिक्रिया दिनुहाेस्

Your email address will not be published.