Khabar Board
Flash logo up side
flash header

अर्जुन कुमालको शतकका बाबजुद आयरल्याण्डसँग नेपाल ‘ए’ पराजित

Nirbachan m

काठमाडौं । ओपनर अर्जुन कुमालको कीर्तिमानी शतकका बाबजुद नेपाल आयरल्यान्ड वल्भ्ससँगको तीन खेलको एकदिवसीय सिरिजको तेस्रो तथा अन्तिम खेलमा पराजित भएको छ ।

Center article

टियु क्रिकेट मैदान कीर्तिपुरमा भएको खेलमा नेपाल ए ६९ रनले पराजित भएको हो । जितसँगै आयरल्यान्डले सिरिजमा क्लिन स्विप गरेको छ । आयरल्यान्डले दिएको २ सय ८५ रनको लक्ष्य पछ्याएको नेपाल ३४ दशमलब ४ ओभरमा अल आउट हुँदै २ सय १५ रन मात्र बनाउँन सक्यो ।

नेपालका लागि ओपनर अर्जुन कुमालले १ सय १८ बलमा १४ चौकाको सहयोगमा १ सय २ रनको शतकीय ईनिङ खेले । नेपाल ए का लागि एकदिवसीय क्रिकेटमा शतक प्रहार गर्ने अर्जुन पहिलो क्रिकेटर हुन् । अर्का ओपनर अर्जुन साउदले ३० बलमा ३६ रन बनाए ।

नरेन भट्ट र रुपेश सिंहले समान १५/१५ रन बनाए । आयरल्यान्डका लागि बेन ह्वाईटले पाँच विकेट लिए ।त्यसअघि टस जितेर ब्याटिङ गरेको आयरल्यान्डले निर्धारित ५० ओभरमा ९ विकेट गुमाएर २ सय ८४ रन बनाएको थियो ।

आयरल्यान्डका लागि ओपनर स्टेफन डोहानीले १ सय २९ बलमा ८ चौका र २ छक्काको सहयोगमा १ सय ७ रनको शतकीय ईनिङ खेले । करियरको पहिलो शतक उनले १ सय २६ बलमा पुरा गरेका थिए ।

पिजे मोरले २५ बलमा २ चौका र ५ छक्काको सहयोगमा ४४ रन बनाए । मोर्गान टोपिङले ३६ बलमा २१ तथा फियोन ह्यान्डले २१ बलमा २० रन बनाए । गोभिन होयले १० बलमा १४ रन बनाए । नेपाल ए का लागि रन्जित कुमार तथा रिजन ढकालले समान तीन तीन तथा विकास आग्री र साहब आलमले समान एक एक विकेट लिए ।

 

याे पनि हेर्नुस्
प्रतिक्रिया दिनुहाेस्

Your email address will not be published.