काठमाडौँ । भारतमा जारी आइपीएल क्रिकेट अन्तर्गत बुधबार दिल्ली क्यापिटल्स र गुजरात टाइटन्सबिच रोमाञ्चक प्रतिस्पर्धा भएको थियो । खेलको नतिजा अन्तिम बलबाट निकाल्दै दिल्लीले रोमाञ्चक जित हासिल गरेको थियो ।
सोही म्याचपछि दिल्ली क्यापिटल्सका कप्तान ऋषभ पन्तले एक क्यामेराम्यानसँग माफी मागेका छन् । उनले माफी मागेको भिडियो आइपीएलको सोसल नेटवर्किङ साइट ‘एक्स’ मा राखिएको छ । भिडियोमा पन्तले भनेका छन्, ‘माफ गर्नुस् देवाशीष दाइ !’
पन्तले ब्याटिङका क्रममा बाउन्ड्री बाहिर पुग्नेगरी प्रहार गरेको बल लागेर देवाशीष घाइते भएका थिए । उनी बीसीसीआईको प्रोडक्सन विभागका क्यामेराम्यान हुन् ।
दिल्ली क्यापिटल्सका मुख्य प्रशिक्षक रिकी पोन्टिङसँगै देखिएका पन्तले भिडियोमा देवाशीषलाई सम्बोधन गर्दै अगाडि भनेका छन्, ‘मेरो उद्देश्य तपाईंलाई हिर्काउनु थिएन, तर मलाई लाग्छ कि तपाईंले ध्यान दिनुभयो होला । गुड लक ।’
One of the camerapersons from our BCCI Production Crew got hit during the #DCvGT match.
Rishabh Pant – Delhi Capitals’ captain and Player of the Match – has a special message for the cameraperson. #TATAIPL | @DelhiCapitals | @RishabhPant17 pic.twitter.com/wpziGSkafJ
— IndianPremierLeague (@IPL) April 24, 2024