Khabar Board
Flash logo up side
flash header

रोहितको ‘आक्रामक’ ब्याटिङका बाबजुद नेपाल फेरि पराजित, एक खेलअगावै गुमायो सिरिज

काठमाडौँ । चौथो टी-२० मा कप्तान रोहितकुमार पौडेलको उत्कृष्ट ब्याटिङका बावजुत नेपालले वेस्ट इन्डिज ‘ए’ सँग २८ रनको पराजित भएको छ।

विहिबार सम्पन्न चौथो खेलमा वेस्ट इन्डिज ए ले नेपाललाई २८ रनले पराजित गरेको हो । वेस्ट इन्डिज ए ले दिएको २१० रनको लक्ष्य पछाएको नेपालले २० ओभरमा अल आउट हुदै १८१ रन बनाएको थियो ।

यातायात कार्यालय हेटौँडा

नेपालका कप्तान रोहित पौडेलले ४७ बलमा ७ चौका र ५ छक्कासहित सर्वाधिक ८२ रन बनाए पनि जित्नलाई पर्याप्त भएन । रोहितले पहिलो खेलमा ११२, दोस्रो खेलमा ७१ रन र तेस्रो खेलमा विश्राम गरेका थिए ।

रोहित बाहेक आजको खेलमा पनि अन्य ब्याटरले राम्रो प्रदर्शन गर्न सकेनन् । स्पिनर हेडन वाल्स जुनियरको १४औं ओभरको तेस्रो बलमा रोहित लङअफमा म्याथ्यु फर्डबाट क्याच आउट भएपछि शतकको अवसर गुमाएका थिए ।

ओपनर आसिफ शेख शून्य र कुशल भुर्तेल १ रनमा आउट भएका थिए । कुशल मल्ल ४, सन्दीप जोरा, दीपेन्द्रसिंह ऐरी र गुलशन झा १९–१९ रनमा आउट भए । अभिनाश बोहरा ८ बलमा २ चौका र १ छक्कासहित १७ र सोमपाल कामी १० रनमा आउट भए ।

वेस्टइन्डिजका स्पिनर हेडन वाल्स जुनियरले ४ ओभरमा २६ रन खर्चेर ३ विकेट लिए । म्याथ्यु फर्डले ४ ओभरमा २५ रन खर्चेर ३ विकेट लिए । फबिएन एलेनले २ विकेट लिए ।

त्यसअघि त्रिवि क्रिकेट मैदान कीर्तिपुरमा टस जितेर पहिला ब्याटिङ रोजेको वेस्टइन्डिजले २० ओभरमा ३ विकेट गुमाउँदै २०९ रन बनाएको थियो । वेस्टइन्डिजले लगातार चौथो खेलमा टस जितेर ब्याटिङ रोजेको थियो ।

शीर्षक्रमका ब्याटर आन्द्रे फ्लेचरले ५४ बलमा ९ चौका र ४ छक्कासहित सर्वाधिक ८४ रन बनाए । फबिएन एलेन १९ बलमा २ चौका र ३ छक्कासहित ३३ रनमा नट आउट रहे । ओपनर जोनसन चाल्र्स ३० बलमा ३ चौका र ६ छक्कासहित ५८ रनमा आउट भएका थिए ।

ओपनर एलिक एथानाजेलाई प्रतिश जिसीले ५ रनमा आउट गरेका थिए । त्यसपछि जोनसन चार्ल्स र आन्द्रे फ्लेचरले ९२ रनको साझेदारी गरेका थिए । केसी कार्टी भने १० बलमा ४ रन बनाएर आउट भएका थिए ।

नेपालका तीव्र गतिका बलर प्रतिश जिसीले ४ ओभरमा ४३ रन खर्चेर १ विकेट लिए । कुशल भुर्तेलले ४ ओभरमा २३ रन खर्चेर २ विकेट लिए । पहिलो खेलमा नेपाल ४ विकेटले विजयी भएको थियो । दोस्रो खेलमा नेपाल १० रन र तेस्रो खेलमा ७६ रनले पराजित भएको थियो । पाँचौं तथा अन्तिम खेल शनिबार हुनेछ ।

याे पनि हेर्नुस्
प्रतिक्रिया दिनुहाेस्

Your email address will not be published.