बझाङ । प्राज्ञिक विद्यार्थी परिषद् नेपालले बझाङको जयपृथ्वी नगरपालिका-३ पडेस स्थित पाण्डु माध्यमिक विद्यालयमा शैक्षिक सामाग्री वितरण गरेको छ । नेपाल भारतको सहयोगमा प्राज्ञिक विद्यार्थी परिषद् नेपालद्वारा बिहिवार विद्यालयको प्राङ्गणमा एक समारोहको आयोजना गरी परिषद्को सेवाकार्य अन्तर्गत पाण्डु माविमा कक्षा ११ र १२ मा अध्ययनरत ६२ जना विद्यार्थीहरूलाई शैक्षिक सामग्री वितरण गरिएको हो । 
भारतीय जनता र भारत सकारबाट प्राप्त भएको शैक्षिक सामाग्री विद्यार्थीहरूलाई वितरण गरिएको र वितरण गरिएको सामग्रीमा विधार्थिहरुलाई झोला ,टोपि,अङ्ग्रेजी डिस्नरि र जेमेट्रि बक्स, नेपाली शब्दकोष र नेपाली बृहत शब्दकोष वितरण गरिएको विद्यार्थी परिषद्का राष्ट्रिय सचिव दिनेश कार्कीले बताए । 
शैक्षिक सामग्री वितरण कार्यक्रममा बोल्दै नगरपालिका प्रमुख चेतराज बजालले परिषदको यो सेवा कार्यको प्रसंशा गरि शिक्षामा सेवा गरेकोमा परिषदलाई धन्यवाद व्यक्त गर्दै । उनले विद्यार्थीहरूको उज्ज्वल भविष्यको कामना गरेका छन् । यस्तै पाण्डु माध्यमिक विद्यालयलाई पहिलो प्राथमिकतामा राख्ने उनले प्रतिबद्धता व्यक्त गरेका छन् । 
पाण्डु माद्यमिक विद्यालयका विद्यालय व्यवस्थापन समितीका अध्यक्ष एवं जयपृथ्वी नगरपालिका -३ का वडाअध्यक्ष गङग बहादुर खड्काको अध्यक्षतामा भएको कार्यक्रममा प्रमुख अतिथि जयपृथ्वि नगरपालिका मेयर चेतराज बजाल रहेका थिए । विशिष्ट अतिथि प्रमुख जिल्ला अधिकारी बाबुराम अर्याल, नगर उपमेउयर रतन बहादुर सिंह, शसस्त्र प्रहरी बलका प्रहरी नायब उपरीक्षक तथा डिएसपी नेत्र केसि रहेका थिए । यस्तै कार्यक्रममा विद्यार्थी, शिक्षक अभिभावक, सञ्चारकर्मिको उपस्थिति रहेको थियो । पाण्डु माध्यामिक विधालयका प्रधानाध्यापक जनकराज उपाध्ययले कार्यक्रममा स्वागत मन्तव्य राखेका थिए । शैक्षिक सामाग्री पाएपछि विद्यार्थी हर्षित भएका छन् । 
त्यसैगरि प्राज्ञिक बिधार्थि परिषदले सिन्धुपाल्चोक, दोलखा, रसुवा , ताप्लेजुङ, गोरखा, मनाङ, मुस्ताङ, मुगु , जुम्ला , हुम्ला र बझाङ जिल्लाका बिभिन्न बिधालयहरुमा शैक्षिक समाग्रीहरु बितरणको कार्यक्रम गरिएको परिषदका राष्ट्रिय सचिव चन्द्रशेखर जोशीले बताएका छन ।
