हेटौंडा/ मकवानपुर प्रतिनिधिसभा निर्वाचन क्षेत्र नम्बर–१ मा प्रकाश गौतम ले भारी मतान्तरसहित विजय हासिल गरेका छन्। राष्ट्रिय स्वतन्त्र पार्टी का उम्मेदवार गौतमले ३६ हजार ३३ मत प्राप्त गर्दै निकटतम प्रतिस्पर्धी महालक्ष्मी उपाध्याय लाई फराकिलो अन्तरले पराजित गरेका हुन्। नेपाली कांग्रेसकी उम्मेदवार उपाध्यायले १४ हजार ३८ मत प्राप्त गरिन्।
निर्वाचनमा रामेश्वर राना (नेकपा एमाले) तेस्रो स्थानमा सीमित भए। उनले १२ हजार ७ सय ८३ मत प्राप्त गरे। अन्य प्रतिस्पर्धीमध्ये विजय गौतम ले १० हजार ७ सय ८८, सुरेन्द्र लामा ले १० हजार २ सय ५ तथा विद्या श्रेष्ठ ले १ हजार २४ मत प्राप्त गरेका छन्।
अघिल्लो निर्वाचनमा यही क्षेत्रबाट विजयी भएका दीपकबहादुर सिंह (राष्ट्रिय प्रजातन्त्र पार्टी) यसपटक भने छैटौँ स्थानमा झरेका छन्। उनले ४ हजार ५ सय ७४ मत मात्रै प्राप्त गरे। यस क्षेत्रमा कुल ९५ हजार ३ सय १० मत खसेको थियो।
यस परिणामसँगै एमालेका राना संघीय संसदमा प्रवेश गर्ने दोस्रो प्रयासमा पनि असफल भएका छन्। उनले यसअघि २०६४ सालको संविधानसभा निर्वाचनमा पनि हार व्यहोरेका थिए। त्यस्तै, कांग्रेसकी उपाध्यायले प्रत्यक्ष निर्वाचनमा लगातार पाँचौँ पटक हारको सामना गर्नुपरेको छ।
विश्लेषकहरूका अनुसार मकवानपुर–१ को यस नतिजाले मतदातामा नयाँ दलप्रति बढ्दो आकर्षण र पुराना दलप्रतिको असन्तुष्टि झल्काएको संकेत गरेको छ।
