Khabar Board
Flash logo up side
Nirbachan aayog

निर्णायक खेलमा नेपालको प्लेइङ–११ मा तीन खेलाडी परिवर्तनको सम्भावना

Nirbachan m

काठमाडौं ।

एकदिवसीय सिरिजको उपाधिका लागि सोमबार नेपालले पाहुना टोली जिम्बाब्वे ‘ए’ को सामना गर्दैछ । यी दुई टोलीबीचको निर्णायक खेल बिहान साढे ९ बजेदेखि कीर्तिपुरस्थित त्रिवि मैदानमा सुरु हुनेछ । नेपालको लक्ष्य उत्कृष्ट लय कायमै राख्दै सिरिज कब्जा गर्नु हुनेछ ।

दोस्रो खेलमा ९ विकेटले विजयी भएकाले नेपाली टिम उच्च बनोबलमा छ । जिम्बाब्वे उत्कृष्ट कमब्याक गर्दै नेपाललाई निराश बनाउन चाहन्छ । पहिलो खेलमा ३ विकेटले विजयी भएको उसले दोस्रो म्याचमा भने निकै खराब खेल्यो । जहाँ जिम्बाब्वे ८८ रनमै अलआउट भयो । तेस्रो खेलमा भने जिम्बाब्वे उत्कृष्ट रणनीतिका साथ मैदान उत्रिनेछ ।

नेपाल घरेलु मैदान र समर्थकको साथको फाइदा उठाउँदै निर्णायक खेलमा पनि जित हात पार्न चाहन्छ । हालसम्म नेपालले जिम्बाब्वेविरुद्ध कुनै पनि प्रारूपमा सिरिज जित्न सकेको छैन । यदि सोमबार विजयी भएमा नेपालले इतिहास पनि रच्नेछ ।

तेस्रो खेलमा नेपालले प्लेइङ–११ मा तीन खेलाडी परिवर्तन गर्न सक्छ । सिरिजलाई आईसीसीले मान्यता नदिएकाले पनि सबै खेलाडीलाई अभ्यास दिने योजनाअनुरूप अन्तिम खेलमा नेपालले प्लेइङ–११ मा तीन खेलाडी परिवर्तन गर्ने सम्भावना रहेको हो ।

Panacea Education

निर्णायक खेलमा कोच र कप्तानले आरिफ शेख, रोहितकुमार पौडेल र सागर ढकाललाई विश्राम दिएर देव खनाल, किशोर महतो र विक्रम सोबलाई मौका दिन सक्छन् ।

निर्णायक खेलमा नेपालको सम्भावित प्लेइङ–११ : आसिफ शेख, सुनिल धमला, कुशल भुर्तेल, देव खनाल, दीपेन्द्र सिंह ऐरी, विनोद भण्डारी, करण केसी, सोमपाल कामी, सन्दीप लामिछाने (कप्तान), किशोर महतो र विक्रम सोब ।

सामाजिक विकास मन्त्रालय सुदूरपश्चिम प्रदेश, धनगढी, कैलाली 11
याे पनि हेर्नुस्
प्रतिक्रिया दिनुहाेस्

Your email address will not be published.