Khabar Board
Flash logo up side
flash header

‘लो स्कोरिङ’ म्याचमा हार्दिकको टिमसँग ८२ रनमै अलआउट भएपछि यस्तो भन्छन् राहुल

Nirbachan m

काठमाडौं ।

Center article

भारतमा जारी १५ औं संस्करणको इण्डियन प्रिमियर लिग (आईपीएल) अन्तर्गत गएराति सम्पन्न खेलमा गुजरात टाइटन्सविरुद्ध लखनउ सुपर जाइन्ट्स ६२ रनले पराजित भयो । १४५ रनको लक्ष्य पछ्याएको लखनउले १३.५ ओभरमा सबै विकेट गुमाएर ८२ रन मात्र बनाउन सक्यो । यो हारपछि लखनउका कप्तान केएल राहुलले प्रतिक्रिया दिएका छन् ।

‘यो कठिन विकेट जस्तो देखिन्थ्यो, त्यसैले हामीले यहाँ खेलेका पछिल्ला दुई वा तीन खेलमा पनि यस्तै भएको थियो । हामीलाई थाहा थियो यो कम स्कोरिङ खेल हो, कठिन र चुनौतीपूर्ण पिच थियो भनेर थाहा थियो । हामीले साँच्चै राम्रो बलिङ गर्यौं । कुनै पनि पिचमा टोलीलाई १५० भन्दा कममा सीमित गर्नु ठूलो काम हो । तर, हामी ब्याटिङमा चुक्यौं,’ राहुलले भने ।

उनले अगाडि भने, ‘हामीले राम्रो ब्याटिङ गर्नुपथ्र्यो । त्यहाँ केही कमजोर शट चयनहरू थिए, रनआउटले मद्दत गरेन, हाम्रो लागि राम्रो पाठ र आशा छ कि हामीले यस प्रकारको हारबाट सिक्न सक्छौं । कहिलेकाहीँ तपाइँलाई चाहिन्छ खेल जारी राख्न र तपाइँको सबैभन्दा राम्रो गर्ने प्रयास गर्नको लागि एक सानो रिमाइन्डर हो । त्यस्ता कम स्कोरिङ खेलहरूमा तपाइँ पावरप्ले प्रयोग गर्न चाहनुहुन्छ । मेरो र क्विन्टनको काम टोलीलाई उत्कृष्ट सुरुवातमा ल्याउनु थियो । यो आवश्यक छैन कि हामीले पावरप्लेमा ६० रन बनाउनु पथ्र्यो । तर, हामीले ३५/४० रन बनाउनुपर्छ । कठिन पिचमा राम्रो टोलीविरुद्ध रन नबाउने बाटो खोज्नुपर्छ, त्यो हामीले सिक्न सक्ने कुरा हो ।’

राशिद खानले बनाए अर्को ठूलो कीर्तिमान

अफगानिस्तानका स्टार लेग स्पिनर राशिद खानले टी–२० क्रिकेटमा उत्कृष्ट प्रदर्शन जारी राखेका छन् । उनले अहिलेसम्म नाममा धेरै ठूला कीर्तिमान बनाएका छन् । र, अब राशिदको नाममा अर्को कीर्तिमान पनि दर्ता भएको छ ।

उनी अब टी–२० क्रिकेटमा ४५० विकेट लिने तेस्रो बलर बनेका छन् । वेस्ट इण्डिजका अलराउन्डर ड्वेन ब्राभो र दक्षिण अफ्रिकाका लेग स्पिनर इमरान ताहिरपछि यो उपलब्धि हासिल गर्ने राशिद तेस्रो बलर हुन् ।

उनले यो उपलब्धि भारतमा जारी आइपिएलअन्तर्गत लखनउ सुपर जाइन्ट्सविरुद्ध गएराति भएको खेलमा हासिल गरे । राशिदले विभिन्न लिग र टी–२० अन्तर्राष्ट्रिय क्रिकेटमा साढे ४ सय विकेट पूरा गरेका हुन् । गुजरात टाइटन्सबाट लिग खेलिरहेका उनले गएरातिको खेलमा चार विकेट लिए । र, राशिदले आफ्नो टोलीलाई ६२ रनको शानदार जित दिलाए ।

जारी सिजनमा उनले १२ खेलमा २१.६६ को औसतमा १५ विकेट लिएका छन् । यस अवधिमा राशिदले ७ भन्दा कमको इकोनमीमा बलिङ गरेका छन् । उनले गुजरातलाई ब्याटिङबाट पनि योगदान दिइरहेका छन् ।

याे पनि हेर्नुस्
प्रतिक्रिया दिनुहाेस्

Your email address will not be published.