बेइजिङ । अमेरिकामा एक पटक फेरि डोनल्ड ट्रम्प राष्ट्रपतिमा निर्वाचित भएका छन् । यसैबीच विश्वभरबाट उनलाई बधाईको ओइरो आइरहेको छ । यसैबीच चीनको विदेश मन्त्रालयले ट्रम्पलाई पुनः अमेरिकी राष्ट्रपतिमा निर्वाचित भएकोमा बधाई दिएको छ ।
चीनको विदेश मन्त्रालयले बुधबार आफ्नो आधिकारिक एक्स खातामा एउटा पोस्टमा लेखेको छ । ‘हामी अमेरिकी जनताको चुनावलाई सम्मान गर्छौ र अमेरिकी राष्ट्रपतिमा निर्वाचित भएकोमा डोनाल्ड ट्रम्पलाई बधाई दिन्छौं ।’
पोष्टमा अझ अगाडि चिनियाँ विदेश मन्त्रालयले लेखेको छ, ‘अमेरिकालाई लिएर चीनको जो नीति छ त्यो भविष्यमा पनि जारी रहनेछ । हामी पारस्परिक सम्मान, शान्तिपूर्ण सह–अस्तित्व र दुवै देशको हितको सिद्धान्तमा हाम्रो द्विपक्षीय सम्बन्धलाई निरन्तरता दिनेछौँ ।’
बुधबार भएको राष्ट्रपति चुनावको परिणाममा रिपब्लिकन पार्टीका उम्मेदवार डोनाल्ड ट्रम्प विजयी भएका थिए । अमेरिकी इतिहासमा राष्ट्रपति चुनाव हारेपछि कोही व्यक्ति ह्वाइट हाउस फर्किएको यो दोस्रो पटक हो । अमेरिकामा अहिलेसम्म कुनै महिला राष्ट्रपति बन्न सकेको छैनन् । डेमोक्रेटिक पार्टीकी उमेदवार कमला ह्यारिस पनि यो परम्परा तोड्न सकिनन् ।
