कञ्चनपुरका विपिन जोशीलाई प्यालेस्टाइनी लडाकु समूह हमासले अपहरण गरेको महीनौं बितिसक्दा पनि उनी अझै बेपत्ता छन्। आफ्ना प्रियजनको खोजीमा विपिनकी आमा पदमा जोशी र बहिनी पुष्पा हालै इजरायल पुगेका छन्।
त्यहाँ उनीहरूले राष्ट्रपति आइज्याक हर्जोग र संसद अध्यक्ष अमिर ओहानासँग भेट गरी विपिनको तत्काल र सुरक्षित मुक्तिका लागि पहल गरिदिन भावुक आग्रह गरेका हुन्।
भेटमा इजरायलस्थित नेपाली दूतावासका राजदूत धनप्रसाद पण्डित समेत सहभागी थिए।
भेटका क्रममा आमा पदमाले छोराको जीवन रक्षा र मानवीय संवेदनशीलताका आधारमा पहल गर्न आग्रह गर्दा उपस्थित सबै भावुक भएका थिए।

















