हेटौंडा/ हेटौंडा बचत तथा ऋण सहकारी संस्थाले आफ्नो २६औँ वार्षिक साधारण सभा भव्यरूपमा सम्पन्न गरेको छ। सभा अध्यक्ष इन्द्र बहादुर बस्नेतको नेतृत्वमा आयोजित सभामा सदस्यता, पारदर्शिता र सम्मानलाई प्राथमिकता दिइएको थियो।
सभामा वार्षिक गतिविधि, बजेट र आगामी वर्षको योजना प्रस्तुत गरियो। नयाँ व्यवस्थापक रिता पौडेलले पदभार ग्रहण गरे। नयाँ सदस्यता ग्रहण गर्ने दम्पती सदस्यहरूमा सागर बस्नेत–मन्दिरा केसी, प्रेमबहादुर बिक–बिमला विश्वकर्मा, मदन–सानुमाया डिम्डुङ लगायत रहेका थिए।
सदस्य र कर्मचारीहरूको उत्कृष्ट योगदानका लागि सम्मानसमेत गरिएको थियो। प्रमुख सम्मानितमध्ये खबर सहकारी डटकमका सम्पादक श्रीराम अर्जुन पत्रकारिता पुरस्कार सहित सम्मानित भएका थिए भने यसोधा कुमारी उप्रेती (सामाजिक योगदान), सरस्वती पाख्रीन र राम माया दाहाल उत्कृष्ट कर्मचारीका रुपमा सम्मानित भएका थिए।
सभा सबै सदस्य र कर्मचारीप्रति धन्यवाद ज्ञापन गर्दै समापन भएको छ।
