धनगढी
धनगढीमा जारी पाँचौ मुख्यमन्त्री सुदूरपश्चिम खप्तड गोल्डकप फुटबल प्रतियोगितामा दोस्रो दिन भएको खेलमा बागमती युथ क्लब विजयी भएको छ। धनगढी रंगशालामा शुक्रवार भएकोे खेलमा एनआरटीलाई ४-३ गोलले पेनाल्टी सुटआउटमा पराजित गरेको हो।
निर्धारित समयमा २-२ गोल भएपछि निर्णय पेनाल्टीमा हुन पुगेको हो। आयोजक सुदुरपश्चिम–११ स्पोर्टस क्लब धनगढीले फागुन १९ गतेबाट सुरु भएको प्रतियोगितामा १० टिमको सहभागिता रहेको छ । हिजो बिहिवार उद्धघाटन खेलमा दिल्ली फुटबल क्लबलाई २-१ गोल अन्तरले हराउँदै मनाङले सुखद सुरुआत गरेको थियो । जितसँगै मनाङले सेमिफाइनलमा स्थान सुरक्षित गरेको छ । प्रतियोगिताको विजेताले २१ लाख नगद प्राप्त गर्नेछ।
