स्विस स्टार जेर्डनले लिए अन्तर्राष्ट्रिय फुटबलबाट संन्यास, कस्तो रह्यो करियर ?

Image

काठमाडौं । स्विस विंगर जेर्डन शाकिरीले सोमबार अन्तर्राष्ट्रिय फुटबलबाट संन्यासको घोषणा गरेका छन् ।

शाकिरीले राष्ट्रिय टोलीका लागि १२५ खेलमा ३२ गोल गरेका छन् । उनी विश्वकप २०१० देखि युरोपियन च्याम्पियनसिप २०२४ सम्म सातवटा प्रमुख प्रतियोगिता खेल्ने एक मात्र स्विस खेलाडी हुन् ।

३२ वर्षिय शाकिरीले युरोपियन च्याम्पियनसिपमा २०२४ मा दुई खेल खेलेका थिए । इङ्ल्यान्डसँग पेनाल्टी सुटआउटमा पराजित भएपछि स्व्सि टोली क्वार्टरफाइनलबाट बाहिरिएको थियो ।

‘स्विस राष्ट्रिय टोलीसँग १४ वर्ष र अविस्मरणीय पलहरू। अन्तर्राष्ट्रिय करिअरबाट विश्राम लिने यो नै उपयुक्त समय हो,’ शाकिरीले इन्स्टाग्राममा लेखेका छन्, ‘अहिलेसम्म साथ र सहयोग गर्नुहुने सबैलाई धेरै धेरै धन्यवाद ।’

शाकिरीले सन् २०१० मा उरुग्वेविरुद्धको मैत्रीपूर्ण खेलमार्फत सिनियर टोलीका लागि डेब्यू गरेका थिए ।