बैतडी ।
स्थानीय तहको निर्वाचनमा बैतडीको सुर्नया गाउँपालिकामा नेपाली कांग्रेसको अग्रता कायमै रहेको छ । ४ सय ७० मतको परिणाम बाहिर आउँदा अध्यक्ष पदमा नेपाली कांग्रेसका गजेन्द्रबहादुर चन्दले २९८, नेकपा एमालेका अम्मरबहादुर कुँवरले ६८ र एकीकृत समाजवादीका नरेन्द्र बिष्टले ३१ मत पाएका छन् ।
यस्तै उपाध्यक्ष पदमा नेपाली कांग्रेसका मञ्जु बोहराले १५७, नेकपा माओवादी केन्द्रका दिलाराम भट्टले ७५ र राप्रपाका देवबहादुर चन्दले ९७ मत प्राप्त गरेका निर्वाचन अधिकृत सिद्धराज जोशीले बताए ।
अहिले सम्म वडा नं १ को मात्रै मतगणना कार्य सम्पन्न भएको छ । अन्य वडाको मतगणना जारी रहेको बताइएको छ ।