हेटौंडा / राष्ट्रिय प्रजातन्त्र पार्टीका सांसद् दीपकबहादुर सिंहले न्याय प्रणाली दलहरूको भागबण्डामा चल्ने गरेको आरोप लगाउनुभएको छ। उहाँका अनुसार, न्यायालयहरूमा कांग्रेस, एमाले, माओवादीका कार्यकर्ताहरू भर्ती भएका छन्।
उहाँले माओवादी केन्द्रका प्रवक्ता अग्नि सापकोटामाथि लागेको अपहरण तथा हत्या मुद्दाको फाइल खोल्न न्यायाधीशहरू डराएको आरोप लगाउनुभएको छ।
सांसद् सिंहले संघीय संरचना खारेज गर्नुपर्ने र प्रदेश संरचना देशले धान्न नसक्ने कुरा पनि गर्नुभएको छ। उहाँले पूर्व राजा ज्ञानेन्द्र शाहको आह्वानलाई समर्थन गर्न आग्रह गर्नुभएको छ र सबै जात तथा धर्मको संरक्षण गर्न राजसंस्था बाहेक अर्को विकल्प नभएको दाबी गर्नुभएको छ।
पार्टी नेतृत्व युवाहरूले लिनुपर्ने कुरा जोड्दै, अधिवेशनले किशोर खत्रीको नेतृत्वमा १७ सदस्यीय नयाँ कार्यसमिति चयन गरेको छ।
