बाजुरा ।
बाजुरामा एक गर्भवती महिलाको हवाई उद्धार गरिएको छ। मंगलबार जिल्लाको स्वामिकार्तिक खापर गाउँपालिका-१ की गर्भवती महिलाको हवाई उद्धार गरिएको हो। सुत्केरी हुन नसकेर जटिल अवस्थामा पुगेकी स्वामिकार्तिक खापर गाउँपालिका १ मुक्तिकोटकी पबित्रा कडाराको हवाई उद्धार गरिएको हो। १८ वर्षीया कडारालाई हेलिकोप्टरबाट सुर्खेत लगिएको सहायक प्रमुख जिल्ला अधिकारी लोकेन्द्रबहादुर बिष्टले बताए।
सुत्केरी बेथा लागेपछि नजिकैको स्वास्थ्य संस्थामा लगिएको भए पनि उपचार सम्भव नभएपछि राष्ट्रपति महिला उत्थान कार्यक्रम अन्तर्गत हवाई उद्धार गरिएको सहायक प्रमुख जिल्ला अधिकारी बिष्टले बताए।
