Khabar Board
Flash logo up side
Nirbachan aayog

दीपेन्द्रको कप्तानीमा भारतविरुद्ध नेपालको त्यो ऐतिहासिक जित…

Nirbachan m

काठमाडौं ।

भारतविरुद्ध नेपालले जित निकालेकाे विरलै मात्र देख्न पाइन्छ । अझ भनौं खेलकुदमा नेपालले भारतलाई हराउनु विश्वकपमा पुग्नु जस्तै हो । नेपालले भारतविरुद्ध प्रायः सबै खेलमा हारको सामना गर्दै आएको छ ।

क्रिकेट, फुटबल होस् भलिबल जहाँ पनि भारतसामु नेपाल कमजोर नै देखिन्छ । तर, २०१७ मा फर्कने हो भने नेपालले भारतलाई हराएको विगत छ । २०१७ को १२ नोभेम्बर नेपाली क्रिकेटका लागि अविस्मरणीय दिन रह्यो । एसिसी यू–१९ एसिया कपअन्तर्गत भएको भएको सो खेलमा नेपालले भारतलाई १९ रनले हरायो ।

क्रिकेटको ठूलो प्रतियोगितामा नेपालले भारतलाई हराएको त्यो नै पहिलोपटक हो । हालसम्म पनि त्यो ऐतिहासिक जितको चर्चा हुने गर्छ । भारतविरुद्ध नेपाललाई ऐतिहासिक जित दिलाउन दीपेन्द्रसिंह ऐरी ‘हिरो’ सावित भए । सो खेलमा उनी कप्तानकाे भूमिकामा पनि थिए ।

उक्त खेलमा नेपालले दिएको १ सय ८६ रनको लक्ष्य पछ्याएको भारतले ४८.१ ओभरमा सबै विकेट गुमाएर १६६ रन मात्रै बनाउन सक्यो । उसका लागि कप्तान हिमांशु राणाले ४६, मनजोत कालराले ३६, अभिषेक शर्माले २७, अनुज रावतले १८ र अर्थभ ताडेले १३ रन बनाए । बाँकी ब्याटरले भने दोहोरो अंकमा समेत रन जोड्न सकेनन् ।

भारतलाई १६६ रनमै समेट्नमा दीपेन्द्रसिंह ऐरीले घातक बलिङ गरे । उनले १० ओभरमा २ मेडनसहित ३९ रन दिएर सर्वाधिक चार विकेट लिए । त्यस्तै, शाहब आलम, पवन सर्राफले दुई/दुई, सन्दीप लामिछाने र कमलसिंह ऐरीले एक/एक विकेट लिए ।

Panacea Education

त्यसअघि क्वालालम्पुरस्थित बायुमस ओभलमा टस हारेर पहिले ब्याटिङ गरेको नेपालले पूरै ५० ओभर खेल्दै ८ विकेट गुमाएर १८५ रन बनाएको थियो । नेपालका लागि दीपेन्द्र सिंह ऐरीले उत्कृष्ट ब्याटिङ गरे । उनले १०२ बलमा ६ चौका र दुई छक्कासहित सर्वाधिक ८८ रन बनाए । त्यस्तै, ओपनर जितेन्द्र ठकुरीले ३६ र भीम सार्कीले १५ रन बनाए । बाँकी ब्याटरले भने दोहोरो अंकमा समेत रन जोड्न सकेनन् ।

सो खेलमा भारतविरुद्ध भीम (१) र दीपेन्द्र (२) ले मात्र छक्का हिर्काउन सकेका थिए । भारतका लागि अभिषेक शर्मा, आदिथ्य ठाकरेले दुई/दुई, मन्दीप सिंह, अथर्भ ताडे, शिव सिंह र विवेकानन्द तिवारीले एक/एक विकेट लिए । भारतलाई हराउन नायक सावित भएका दीपेन्द्रले बलिङ र ब्याटिङ मात्र होइन फिल्डिङका दौरान दुई क्याच पनि पक्रिएका थिए ।

यो पनि पढौं– यी हुन् रचना रिमाललाई मनपर्ने क्रिकेट र फुटबल खेलाडी

यो पनि पढौं– नेपालको जर्सीका साथ आईपीएल हेर्दै समर्थक, को हुन् ‘भाइरल’ युवती?

सामाजिक विकास मन्त्रालय सुदूरपश्चिम प्रदेश, धनगढी, कैलाली 11
याे पनि हेर्नुस्
प्रतिक्रिया दिनुहाेस्

Your email address will not be published.