बैतडी । बैतडीको पाटन नगरपालिकामा कक्षा ८ को ग्रेडवृद्धि परीक्षामा सहभागि भएका २९८ परीक्षर्थीमध्ये २४७ जना विद्यार्थी उत्तीर्ण भएका छन् ।
बढीमा २ विषय लागेका विद्यार्थीले ग्रेडवृद्धिको परीक्षामा सहभागिता जनाएका थिए । सम्बन्धित विद्यालयमै लिइएको ग्रेडवृद्धिको परीक्षामा सो संख्यामा विद्यार्थी उत्तीर्ण भएका हुन् ।
गत शैक्षिक सत्रदेखि पाटन नगरपालिकाले कक्षा ८ को परीक्षामा कडाई गरेको छ । गत चैत्रमा लिइएको कक्षा ८ को परीक्षामा सहभागि ६५२ विद्यार्थीमध्ये १३७ जनामात्रै उत्तीर्ण भएका थिए । उक्त परीक्षाबाट ७ विद्यालयको नतिजा शून्य आएको थियो । २९८ जना परीक्षार्थीले ग्रेडवृद्धिको परीक्षामा सहभागि हुने मौका पाएका थिए ।
