काठमाण्डौं । बैतडीबाट हराइरहेकी बालिकाको उद्धार गरिएको छ । माघ ७ गतेदेखि बेपत्ता भएकी बालिका वीरगञ्ज महानगरपालिका–१६ स्थित शंकराचार्य गेटमा फेला परेकी हुन् ।
भारत लैजान लागिएको अवस्थामा ती बालिकाको सोमबार उद्धार गरिएको पर्सा प्रहरीले जनाएको छ । ती बालिकालाई भारत लैजान खोज्ने अर्घाखाँची सन्धिखर्क–७ का २८ वर्षीय राजु अधिकारीलाई पक्राउ गरेको पर्सा प्रहरी प्रवक्ता प्रहरी नायब उपरीक्षक ओमप्रकाश खनालले बताए ।
ती बालिकासँग अधिकारी एक महिनाअघिदेखि फोन सम्पर्कमा थिए । फोनमै चिनजान गरी बालिकालाई अधिकारीले भेट्न बोलाएको प्रहरी अनुसन्धानबाट खु्लेको छ । अहिले बालिका माइती नेपालसँग छिन् ।
