Khabar Board

कञ्चनपुरमा २२ किलो बेवारिसे लागूऔषध बरामद

कञ्चनपुर । कञ्चनपुर प्रहरीले २२ किलो १५० ग्राम लागूऔषध चरेस बरामद गरेको छ । शनिबार राति बेलौरी नगरपालिका ३ बुटावारीबाट प्रहरीले २२ किलो १५० ग्राम लागूऔषध चरेस बरामद गरेको हो ।

युपी ३१ एपी २२५६ भारतीय नम्बरको मोटरसाइकलमा हरियो बोरी (कट्टा) मा डोरीले बाँधेर राखेको चरेस गएराति साढे ८ बजे बरामद गरिएको

जिल्ला प्रहरी कार्यालय कञ्चनपुरका प्रहरी नायब उपरीक्षक चक्रबहादुर शाहले जानकारी दिए । इलाका प्रहरी कार्यालय बेलौरीबाट खटिएको प्रहरीको गस्ती टोलीले बेवारिसे अवस्थामा रहेको बोरी खोलेर हेर्दा त्यसभित्र ४० पोका ठूलो र ४० पोका सानो गरी ८० पोका चरेस फेला पारेको हो ।

चरेस र मोटरसाइकल इलाका प्रहरी कार्यालय बेलौरीको नियन्त्रणमा रहेको छ । बरामद भएको चरेसबारे अनुसन्धान कार्य भइरहेको कञ्चनपुर प्रहरीले जनाएको छ ।

Hetuda computer
याे पनि हेर्नुस्
प्रतिक्रिया दिनुहाेस्

Your email address will not be published.