हेटौंडा। हेटौंडा ११ थानाभय्याङमा रहेको सामुदायिक सेवा केन्द्र तथा सामुदायिक प्रहरी सेवा उपकेन्द्रले शुभकामना आदानप्रदान साथै मकवानपुरमा हालै सरुवा भई आएका प्रहरी उपरिक्षक विश्वराज खडका लाई स्वागत साथै सम्मान कार्यक्रम सम्पन्न गरेएको हो।
आउदै गरेको दिपावली, छठ अबसरमा शुभकामना आदानप्रदान तथा जिल्ला प्रहरी कार्यालय मकवानपुरमा हालसालै सरुवा भई आएका प्रहरी उपरिक्षक विश्वराज खडका लाई स्वागत सम्मान साथै प्रहरी नागरिक समाज बिच अन्तरक्रिया कार्यक्रम गरिएको हो।
कार्यक्रममा हेटौंडा ११ नम्बर वडा अध्यक्ष जुना दाहाल, जिल्ला प्रहरी कार्यालयका प्रहरी उपरिक्षक विश्वराज खडका, सामुदायिक सेवा केन्द्रका अधक्ष्य देवकुमार श्रेष्ठ, जिल्ला ट्राफिक प्रहरी कार्यालय मकवानपुरका प्रहरी निरीक्षक केशव अधिकारी,प्रहरी हवलदार निमा भण्डारी लगायतको उपस्थिति रहेको थियो।
