राष्ट्रिय क्रिकेट टोलीका कप्तान रोहितकुमार पौडेल बने वर्षका उत्कृष्ट खेलाडी

Image

काठमाडौं । राष्ट्रिय क्रिकेट टोलीका कप्तान रोहित कुमार पौडेलले शुक्रवार पल्सर स्पोर्ट्स अवार्ड २०८० को वर्ष उत्कृष्ट पुरूष खेलाडी अवार्ड जितेका छन्।

रोहितको कप्तानीमा नेपाल १० वर्षपछि विश्वकपमा छनोट हुन सफल रह्यो। उनको प्रेरणादायी नेतृत्वमा नेपालले वर्ष २०८० मा पहिलो पटक एसिया कप खेल्यो। उनको कप्तानीमा नेपालले एसिसी प्रिमियर कपको उपाधि जित्यो।

रोहित टि ट्वान्टी अन्तर्राष्ट्रिय क्रिकेटमा २५ खेलमा सर्वाधिक ६ सय ८० रन बनाउन सफल रहे। जसमा ५ वटा अर्धशतक सामेल छन्। यस्तै उनले ४ विकेट पनि लिए।

नेपाली क्रिकेटले २०८० सालमा प्राप्त गरेको थुप्रै ऐतिहासिक सफलता दिलाउने कप्तान रोहित वर्ष उत्कृष्ट खेलाडीको अवार्ड जित्न सफल भएका हुन्।‌

उनले मनोनयनमा परेका फुटबलका अनन्त तामाङ, क्रिकेटका दीपेन्द्रसिंह ऐरी, करातेका मोहम्मद शेखु आलम र गल्फका सुवास तामाङलाई‌ पछि पारे।