काठमाडौँ। Circle X को आयोजना तथा Max Tiger Energy Drink को मुख्य प्रायोजनमा ‘ग्यालाक कम्ब्याट सिरिज’ (Galak Combat Series) आयोजना हुने भएको छ।
आगामी अक्टोबर ४ (असोज १८) मा काठमाडौँको NOVA मा आयोजना हुने उक्त प्रतियोगितामा एमएमए र मुआथाई (MMA vs Muay Thai) अन्तर्गत नेपाल र भारतका ३६ जना फाइटरहरू आमनेसामने हुनेछन्।
दिउँसो १:०० बजेदेखि सुरु हुने यस इभेन्टमा कुल १८ वटा रोमान्चक भिडन्तहरू रहने आयोजकले जनाएको छ। नेपाल र भारतीय फाइटरहरूबीचको रिङ भिडन्तसँगै दर्शकहरूका लागि चर्चित कलाकार व्योमा (VYOMA) को विशेष साङ्गीतिक प्रस्तुतिसमेत रहनेछ।
प्रतियोगिताको प्रत्यक्ष प्रसारण काष्ठमण्डप Gold HD बाट हुनेछ। इच्छुक दर्शकहरूले eSewa तथा eticketnepal मार्फत अनलाइन टिकट खरिद गर्न सक्नेछन् भने टेबल बुकिङका लागि ९८०५६७३६१२ मा सम्पर्क गर्न सकिनेछ।
