Khabar Board
Flash logo up side
flash header

महिला लघुवित्तले हान्याे ५० प्रतिशतकाे ठूलाे छलाङ, लगानीकर्तालाई बनायाे मख्ख

Nirbachan m

चालु आर्थिक वर्ष २०७८/७९ को दोश्रो त्रैमाससम्मको महिला लघुवित्त वित्तीय संस्था लिमिटेडले अपरिष्कृत वित्तिय विवरण प्रकाशित गरेको छ ।

उक्त विवरण अनुसार चालु आर्थिक वर्षको दोश्रो त्रैमाससम्म आइपुग्दा संस्थाले ८ करोड १८ लाख ४२ हजार रुपैयाँ खुद नाफा आर्जन गर्न सफल भएको छ ।

यो नाफा रकम गत वर्षको सोही अवधिको तुलनामा ५०.५० प्रतिशतले बढि हो । गत वर्षको यसै अवधिमा संस्थाले ५ करोड ४३ लाख ७८ हजार रूपैयाँ खुद नाफा आर्जन गरेको थियो।

समिक्षा अवधिसम्म संस्थाको खुद व्याज आम्दानी पनि ६०.४० प्रतिशतले बढेर १४ करोड ४९ लाख ६० हजार रूपैयाँ पुगेको छ । गत वर्षको यसै अवधिमा संस्थाको खुद व्याज आम्दानी ९ करोड ८६ लाख ३७ हजार रूपैयाँ रहेको थियो ।

Center article

दोश्रो त्रैमाससम्म आइपुग्दा संस्थाको सञ्चालन मुनाफा भने घटेर ३ करोड ८१ लाख २ हजार रूपैयाँ पुगेको छ संभावित जोखिम बापतको प्रोभिजन बढाँउदा संस्थाको यस्तो मुनाफा कम भएको हो । गत वर्ष संस्थाले ६ करोड ५२ लाख १७ हजार रूपैयाँ मात्र सञ्चालन मुनाफा गरेको थियो ।

त्यस्तै, संस्थाको चुक्ता पुँजी १४ करोड ७५ लाख रुपैयाँ र जगेडा कोषमा २३ करोड १७ लाख ६० हजार रुपैयाँ सञ्चित रहेको छ । संस्थाको प्रतिसेयर आम्दानी (ईपीएस) ११० रुपैयाँ ९७ पैसा रहेको छ भने संस्थाको प्रतिसेयर नेटवर्थ २५७ रुपैयाँ १३ पैसा रहेको छ ।

 

याे पनि हेर्नुस्
प्रतिक्रिया दिनुहाेस्

Your email address will not be published.