Khabar Board
Flash logo up side
Nirbachan aayog

आफ्नो कप्तानीमा सिरिज जितेपछि के भन्छन् सन्दीप? यी २ खेलाडीको गरे खुलेरै प्रशंसा

Nirbachan m

काठमाडौं ।

घरेलु मैदानमा सम्पन्न त्रिकोणात्मक टी–२० अन्तर्राष्ट्रिय सिरिज नेपालले जितेको छ । सोमबार पपुवा न्यूगिनीलाई ५० रनले हराउँदै नेपालले सिरिज जितेको हो । नेपालले पहिलोपटक पिएनजी र मलेसियाविरुद्धको सिरिज जितेको हो ।

साथै, नेपालले एकदिवसीय सिरिज गुमाएको बदला पनि टी–२० मा लिन सफल भयो । घरेलु मैदानमै भएको पिएनजीविरुद्धको वानडे सिरिज नेपालले २–० ले गुमाएको थियो ।

पिएनजीले भने आफ्नो जित यात्रा कायम राख्न सकेन । त्रिकोणात्मक सिरिजको फाइनलमा नेपालले दिएको १६९ रनको लक्ष्य पछ्याएको पिएनजीले १६.१ ओभरमा सबै विकेट गुमाएर ११८ रन मात्र बनाउन सक्यो । उसका लागि सेसे बाउले ३८ बलमा ६ छक्का र एक चौकासहित सर्वाधिक ५९ रन बनाए ।

नेपालका लागि अलराउन्डर दीपेन्द्रसिंह ऐरीले करियरकै उच्च बलिङ प्रदर्शन गरे । उनले चार ओभरमा १८ रन दिएर महत्वपूर्ण ४ विकेट लिए । टी–२० अन्तर्राष्ट्रियमा दीपेन्द्रको यो करियरकै उत्कृष्ट बलिङ प्रदर्शन हो ।

यसअघि यो प्रारूपमा उनको उच्च बलिङ ४ ओभरमा २१ रन दिएर ४ विकेट लिनु थियो । त्यस्तै, करण केसीले तीन र कप्तान सन्दीप लामिछानेले दुई विकेट हात पारे । त्यसअघि, कीर्तिपुरस्थित त्रिवि मैदानमा टस हारेर ब्याटिङको मौका पाएको नेपालले निर्धारित २० ओभरमा ६ विकेट गुमाएर १६८ रन बनायो । नेपालका लागि दीपेन्द्रसिंह ऐरीले अर्धशतकीय पारी खेले ।

Panacea Education

उनले ३८ बलमा पाँच चौकासहित अविजित ५४ रन बनाए । करण केसीले १२ बलमा पाँच चौका र एक छक्कासहित अविजित ३३ रनको आक्रामक पारी खेले । त्यस्तै, आसिफ शेख २९, कुशल भुर्तेल २५, मोहम्मद आदिल आलम १५, रोहित पौडेल दुई रनमा आउट भए । आरिफ शेख र दिलिप नाथले भने खाता खोल्न सकेनन् । पिएनजीका सेमो कामियाले सर्वाधिक तीन विकेट लिए ।

सिरिज जितेपछि के भन्छन् सन्दीप?

त्रिकोणात्मक सिरिज जितेपछि नेपाली टिमका कप्तान सन्दीप लामिछानेले प्रतिक्रिया दिएका छन् । उनले सबै खेलाडीको महत्वपूर्ण योगदानका कारण सिरिज जित्न सफल भएको प्रतिक्रिया दिएका हुन् ।

सन्दीपले घरेलु टी–२० सिरिजको पहिलोपटक कप्तानी गरेका थिए । उनले पहिलो कप्तानीमै टियू मैदानमा सिरिज जिताउन पाउँदा निकै खुसी लागेको बताए । ‘यो सिरिजपछिको जितपछि खुसी छु, यो उपलब्धि हासिल गर्नमा सम्पूर्ण खेलाडीको भूमिका अहम् रह्यो ,’ सन्दीपले भने ।

उनले दीपेन्द्रसिंह ऐरी र करण केसीको खुलेरै प्रशंसा गरे । सिरिज जिताउन दीपेन्द्र र करणले बलिङ/ब्याटिङमार्फत ठूलो योगदान दिए । ‘सिरिज जिताउन दीपेन्द्र र करण दाइको भूमिका ठूलो रह्यो । साथै, अन्य खेलाडीको पनि उत्तिकै महत्वपूर्ण योगदान रह्यो,’ सन्दीपले भने । साथै, उनले सबै समर्थकलाई धन्यवाद पनि दिए ।

सामाजिक विकास मन्त्रालय सुदूरपश्चिम प्रदेश, धनगढी, कैलाली 11
याे पनि हेर्नुस्
प्रतिक्रिया दिनुहाेस्

Your email address will not be published.