Khabar Board
Flash logo up side
flash header

एसिया कप क्रिकेटका लागी यी प्रशिक्षक नियुक्त

Nirbachan m

काठमाडौं ।

एसिया कप क्रिकेटका लागि भारतले भीभीएस लक्ष्मणलाई अन्तरिम मुख्य प्रशिक्षक नियुक्त गरेको छ ।

नियमित मुख्य प्रशिक्षक राहुल द्रविडलाई कोभिड-१९ को संक्रमण भएपछि भारतले लक्ष्मणलाई अन्तरिम मुख्य प्रशिक्षक चयन गरेको हो ।

कोभिड देखिएपछि द्रविड एसिया कपका लागि युएई गएका छैनन् । उनको अनुपस्थितिममा लक्ष्मण जिम्बावेबाट यूएई गएका छन् ।

एसिया कप अगस्ट २७ बाट युएईमा सुरु हुनेछ । प्रतियोगितामा ६ टोली सहभागी हुदैछन् । एसीसीले सहभागी ६ टोलीलाई दुई समूहमा विभाजन गरेको छ ।

Center article

भारत समूह ‘ए’ मा रहेको छ । समूह ‘ए’ मा साविक विजेता भारत सहित पाकिस्तान र छनोटबाट आउने एक टोली रहेका छन् । कुवेत, हङकङ, सिंगापुर र कुवेत मध्ये एक टोली यस समूहमा रहने छन् ।

भारतको पहिलो खेल अगस्ट २८ मा पाकिस्तानविरुद्ध रहेको छ । समूह ‘बी’ मा श्रीलंका, बंगलादेश र अफगानिस्तान रहेको छ ।

टी-ट्वान्टी फर्म्याटको प्रतियोगितामा समूहको शीर्ष दुई टोलीले सुपर चारमा स्थान बनाउने छन् । सुपर चारमा एकअर्काविरुद्ध खेल्ने छन् । त्यसपछि शीर्ष दुई टोलीले फाइनल खेल्नेछ ।

प्रतियोगिताको उद्घाटनमा श्रीलंका र अफगानिस्तानबीच अगस्ट २७ मा प्रतिस्पर्धा हुनेछ ।

याे पनि हेर्नुस्
प्रतिक्रिया दिनुहाेस्

Your email address will not be published.