Khabar Board
Flash logo up side
flash header

धोनीले छलाङ मारेर बल क्याच गरेको भिडियो भाइरल भएपछी…

Nirbachan m

नयाँ दिल्ली । आईपीएल २०२४ को सातौँ खेलमा चेन्नई सुपर किंग्स र गुजरात टाइटान्सबिच भिडन्त थियो । यो खेलमा चेन्नई सुपर किंग्सले गुजरात टाइटान्सलाई ६३ रनले हरायो ।

यो खेलमा महेन्द्रसिंह धोनीको शानदार क्याचले धेरैजना छक्कै परेका छन् । ४२ वर्षका धोनीले शून्य दशमलव ६० सेकेन्डको रिएक्शन टाइममा २.३ मिटरको छलाङ लगाएर डाइभ हान्दै शानदार तरिकाले बल क्याच गरे ।

क्याच लिँदा धोनीको दुबै खुट्टा हावामा थियो । यो देखेर म्याचको कमेन्ट्री गरिरहेका सुरेश रैना छक्क थिए । धोनीको निकै तारिफ गर्दै उनले यो भिडियो सामाजिक सञ्जालमा शेयर नै गरेका छन् ।

क्याप्सनमा रैनाले ‘टाइगर अभि जिन्दा हैं’ लेखेका थिए । धोनीको यो भिडियो सामाजिक सञ्जालमा निकै भाइरल भइरहेको छ । भिडियोमा लाइक, कमेन्टको वर्षा भइरहेको छ ।

Center article

धोनीको यो क्याच भाइरल हुनुको अर्को पनि कारण छ । गएको वर्ष आईपीएल सकिने बित्तिकै धोनीको घुँडाको शल्यक्रिया गरिएको थियो ।

४२ वर्षको उमेरमा उनले युवा खेलाडीको जस्तो फिटनेस देखाइरहेका छन् । गुजरात टाइटान्स विरुद्धको खेलमा धोनीले ब्याटिङ गरेनन् । तर शानदार फिल्डिङले उनले आफ्ना फ्यानहरूको मन भने पक्कै जितेका छन् ।

याे पनि हेर्नुस्
प्रतिक्रिया दिनुहाेस्

Your email address will not be published.