Khabar Board
Flash logo up side
flash header

जब कुलदीप यादवले कप्तान ऋषभ पन्तलाई ‘डीआरएस’ का लागि बाध्य पारेपछी…

Nirbachan m

काठमाडौँ । इन्डियन प्रिमियर लिग (आईपीएल) मा बिहीबार राति राजस्थान रोयल्स र दिल्ली क्यापिटल्सबिच खेल भएको थियो । घरेलु मैदान जयपुरमा खेलिएको उक्त खेलमा राजस्थान रोयल्स १२ रनले विजयी भएको थियो ।

खेलमा राजस्थान रोयल्सले पहिले ब्याटिङ गरेको थियो । राजस्थानको तेस्रो विकेटका रूपमा जस बट्लर ११ रनको व्यक्तिगत स्कोरमा एलबीडब्लू आउट हुँदै पेभेलियन फर्किएका थिए । खासमा उनलाई सुरुमा अम्पायरले आउट दिएका थिएनन् ।

दिल्लीका बलर कुलदीप यादब आठौँ ओभर फाल्न आएका थिए । कुलदीपले फालेको आठौँ ओभरको दोस्रो बल राजस्थानका ओपनर ब्याट्सम्यान जस बट्लरले उक्त बललाई रिवर्स स्वीप गर्ने प्रयास गरेका थिए । तर, त्यसमा उनी सफल भएनन् र बल सिधै उनको प्याडमा गएर ठोक्किएको थियो ।

त्यसपछि कुलदीपले अम्पायरसँग एलबीडब्लूको अपिल गरेका थिए । तर, अम्पायरले बट्लरलाई नटआउट घोषित गरिदिए । दिल्लीका कप्तान ऋषभ पन्त पनि डिसिजन रिभ्यू सिस्टम (डीआरएस) लिने पक्षमा देखिएका थिएनन् । अर्थात, कप्तान पन्त पनि अम्पायरको निणर्यमा सहमत देखिएका थिए ।

Center article

तर, कुलदीप भने बट्लर एलबीडब्लू आउट भएकोमा ढुक्क थिए । त्यसैले उनी दौडँदै आफ्ना कप्तान ऋषभ पन्तनजिक गए । उनले कप्तान पन्तलाई डीआरएस लिन आग्रह गरे । अझै पनि कप्तान पन्त डीआरएस लिन तयार भएनन् ।

अन्ततः कुलदीपले बारम्बार डीआरएस लिन आग्रह गरेपछि कप्तान पन्त उनको कुरा मान्न बाध्य भए । डीआरएममा जब मिहिन तरिकाले हेरियो त्यसमा बट्लर एलबीडब्लू आउट भएको स्पष्ट देखियो । त्यसपछि अम्पायरले आफ्नो पहिलेको निर्णय फिर्ता लिँदै बट्लरलाई एलबीडब्लू आउट दिए ।

याे पनि हेर्नुस्
प्रतिक्रिया दिनुहाेस्

Your email address will not be published.