Khabar Board
Flash logo up side
flash header

आइपिएल टिम कोलकोताका यी खेलाडीमाथि लाग्यो एक खेलको प्रतिबन्ध, यस्तो छ कारण

काठमाडौँ । इन्डियन प्रिमियर लिग (आईपीएल) मा कोलकाता नाइट राइडर्सका एक खेलाडीमाथि एउटा खेलका लागि प्रतिबन्ध लगाइएको छ ।

कोलकाता नाइट राइडर्सका तीव्र गतिका बलर हर्षित राणा आईपीएलको आचारसंहिता उल्लङ्घनमा दोषी ठहर भएसँगै एउटा म्याचका लागि प्रतिबन्धित भएका हुन् ।

यातायात कार्यालय हेटौँडा

सोमबार कोलकाता नाइट राइडर्स र दिल्ली क्यापिटल्सबिच भएको खेलमा राणाले आचारसंहिता विपरीत गतिविधि गरेको ठहर भएसँगै एक खेलका लागि प्रतिबन्ध र म्याच फिसको शत प्रतिशत जरिवाना गरिएको हो ।

आईपीएलको जारी सिजनमा उनी दोस्रो पटक आचारसंहिता उल्लङ्घनमा दोषी ठहर भएसँगै कडा सजाय दिइएको हो । यसअघि उनलाई सनराइजर्स हैदरावादविरुद्धको खेलमा पनि आचारसंहिता उल्लङ्घनमा दोषी ठहर गरिएको थियो । त्यतिबेला उनलाई म्याच फिसको ६० प्रतिशत रकम जरिवाना गरिएको थियो ।

मंगलबार राणाले दिल्ली क्यापिटल्सका ब्याट्सम्यान अभिषेक पोरेललाई ‘बोल्ड’ गरेका थिए । लगत्तै उनले सेलिब्रेसनका क्रममा पोरेललाई लक्षित गर्दै ‘फ्लाइङ् किस’का लागि हात उठाएका थिए तर उनी बिचमै रोकिए ।

हैदरावादविरुद्धको खेलमा उनलाई ‘फ्लाइङ् किस’सहित ब्याट्सम्यान मयंक अग्रवालतर्फ लक्षित गर्दै सेलिब्रेसन गरेकै कारण आचारसंहिता विपरीत गतिविधिको आरोपमा दण्डित गरिएको थियो ।

याे पनि हेर्नुस्
प्रतिक्रिया दिनुहाेस्

Your email address will not be published.