नेपाल प्रिमियर लिगको सहभागी टोली जनकपुरले घोषणा गर्यो लोगो र नाम

Image

काठमाडौं । नेपाल प्रिमियर लिग (एनपिएल) को सहभागी टोली जनकपुरले आफ्नो नाम र लोगो घोषणा गरेको छ । जनकपुरले सोमवार सामाजिक सन्जालमार्फत नाम र लोगोको घोषणा गरेको हो । टिमको नयाँ नाम जनकपुर बोल्ट्स रहनेछ ।

जनकपुरले केही साता अघि मात्र आसिफ शेखलाई मार्की खेलाडीको रुपमा टोलीमा प्राप्त गरेको थियो । जनकपुर फ्रेन्चाईज २ करोड ५ लाख मुल्यमा ड्रिम स्पोट्स प्रालीले खरिद गरेको थियो ।

नेपाल क्रिकेट संघ (क्यान) को‌ आयोजनामा ८ टोलीको सहभागितामा‌ मंसिर १६ गतेदेखि पुस ६ गतेसम्म एनपिएल हुनेछ। ८ टोलीको मार्की खेलाडीको‌ टुंगो लागिसकेको छ ।