काठमाडौं । नेपाली राष्ट्रिय टोलीका ब्याटर कुशल भुर्तेलले डालसको ग्राण्ड प्रेरीमा खेल्दा टियुमा खेलेको फिल भएको बताएका छन् ।अमेरिकासँगको दोस्रो टि ट्वान्टीआईमा जित पश्चात आइतवार कुशलले यहाँ नेपाली टिमको समर्थन देख्दा टियु मै खेलिरहेको जस्तो अनुभव भएको बताएका छन् ।
‘लास्ट टाईम वल्डकपको समयमा एउटा वार्मअप सहित दुई खेल यस मैदानमा खेलेका थियौ । त्यसले सहयोग नै भयो ,’ कुशलले भने ‘क्राउडहरु टाढा टाढाबाट आउनु हुन्छ खुसी लाग्छ । टियुमै खेले जस्तो फिल हुन्छ ।’
अमेरिकालाई सुपर ओभरमा पराजित गर्दै नेपालले टि ट्वान्टी सिरिज जितेको थियो । अमेरिकालाई उसैको घरमा हराउँदा प्लेयर अफ द म्याच समेत बनेका कुशल शतक बनाउनलाई ८ रनले मात्र चुकेका थिए ।
‘सेन्चुरी भन्दा पनि टिमको टोटल १ सय ८० गराउने लक्ष्य रहेको थियो । त्यसमा चै सोचिरहेको थिए,’ कुशलले भने ‘सोमपाल दाई अनुभवी प्लेयर हुनु हुन्छ । ११ वर्ष देखि खेलिरहनु भएको छ । जसरी उहाँले पूरा खेलमा बलिङ गर्नुभयो त्योबाट हामीले आनन्द लियौं ।’
आफ्नो ब्याटिङ अर्डर परिवर्तन भए पनि खेल्ने तरिकामा भने परिवर्तन नभएको कुशलले बताए । टिमले पुरै सहयोग गरेकोले आफुले जुनै अर्डरबाट खेले पनि रन बनाउन लागि रहेको र आजको खेलमा रन बनाउँदा खुसी लागेको कुशलले बताए । हाम्रो खेलकुदबाट
