काठमाडौं । घरेलु टोली अमेरिकाविरुद्धको तेस्रो टी–२० आई खेलमा नेपालका ओपनर आसिफ शेखले अर्धसतक बनाएका छन् । ३ खेलको टि ट्वान्टी सिरिजको तेस्रो तथा अन्तिम खेलमा नेपाली ओपनर आसिफले अर्धशतक पूरा गरेका हुन् ।
करियरको छैटौं अर्धशतक शेखले ३८ बलमा पूरा गरेका थिए । यसअघि आसिफले युएईसँग २ तथा कतार, नेदरल्यान्ड्स र मलेसियासँग समान १ अर्धशतक बनाएका थिए ।
सोमबार बिहान डालासमा टस जितेर ब्याटिङ गरेको अमेरिकाले ६ विकेट गुमाउँदै एक सय ५७ रनको लक्ष्य दिएको छ । १० ओभरको खेल सकिँदा नेपाल १ विकेट गुमाएर ८३ रन बनाएर खेलिरहेको छ । यसअघि ओपनर अनिल शाहले १३ रन बनाएका थिए । एक खेल अघि नै शृंखला २–० ले जितेको नेपाल आज ‘क्लिन स्विप’ गर्ने योजनामा छ ।
