एजेन्सी
शिबानी दांडेकर र फरहान अख्तर दुबै विवाह बन्धनमा बाँधिएदेखि नै चर्चामा छन् । नवविवाहित जोडी आफ्नो वेडिङ रिसेप्सनदेखि हरेक कार्यक्रममा तस्बिरका लागि सोसल मिडियामा छाइरहे । हालै शिबानीले फरहानसँग आफ्नो तस्बिर पोस्ट गरिन् । तस्बिर एक पार्टीको थियो जसलाई उनले आफ्ना नजिकका साथीका लागि होस्ट गरेकी थिइन् । तस्बिरमा शिबानीले आफ्नो नयाँ ट्याटु देखाएकी थिइन् तर ज्याटुको साटो एउटा तस्बिरमा उनी गर्भवती भएको हल्ला गर्नेहरुको मुख थुनिदिएको छ । यसमा नायिका आफैंले जवाफ पनि दिएकी छिन् ।
‘बेबी बम्प होइन टकिला हो’
कार्यक्रम प्रस्तोता तथा नायिका शिबानी दांडेकरले अब सोसल मिडियामा ती दाबी खारेज गरिदिएकी छिन् जसमा उनी गर्भवती भएको बताइएको थियो । बुधबार उनले इन्स्टाग्राममा एउटा भिडियो सेयर गरिन् जसमा उनले आफ्नो एब्स देखाएकी छिन् । भिडियोमा उनले लेखेकी छिन्, ‘म महिला हुँ ! म गर्भवती छैन । त्यो टकिला थियो ।’ उनले यी अफवाहमाथि प्रतिक्रिया दिएको इशारा गर्दै हासिरहेको इमोजी पनि राखेकी छिन् ।
