हेटौंडा। बिश्व योग दिवसको पुर्व सन्ध्यामा हेटौंडा ११ मा पातन्जल योग समिति नेपाल जिल्ला साखा मकवानपुर ले टोल समिती ,महिला तथा युवा उपसमिती गठन गरेको छ । सिमलटार योग साधना केन्द्रमा भएको कार्यक्रम मा बोल्दै पातन्जल योग समिति नेपालका केन्द्रिय अध्यक्ष बालमुकुन्द सुवालले योगा गर्नुको फाइदा भनेको आत्मा सन्तुष्टि र स्वास्थ लाभ प्राप्त गर्नु रहेको बताए ।
उनले योगा गर्ने मान्छेले मान , सम्मान खोज्न नहुने र अपमान भयो पनि भन्न नहुने बताए । योग समितिका जिल्ला अध्यक्ष लक्ष्मी कंडेलको सभाध्यक्षतामा भएको कार्यक्रममा समितिका प्रदेश उपाध्यक्ष ध्रुब बहादुर भुजेल , जिल्ला सल्लाहकार मनोज सुवेदी , यज्ञबहादुर आचार्य लगायतकाले मन्तब्य व्यक्त गरेका थिए ।
