Khabar Board
Flash logo up side
flash header

प्रदेश २ को नाम र राजधानी टुंग्याउन आज मतदान हुँदै

Nirbachan m

काठमाडौं– प्रदेश २ को स्थायी राजधानी र नामकरणका लागि आज (सोमबार) मतदान हुने भएको छ। प्रदेश सभाका सभामुख सरोजकुमार यादवको संयोजकत्वमा गठित विशेष समितिले साझा प्रस्ताव ल्याउन विफल भएपछि दोस्रो पटक नाम र राजधानी टुंगो लगाउन मतदान प्रक्रिया अपनाउन लागिएको हो।

दल तथा सांसदको आ–आफ्नै अडानका कारण समितिले नाम र राजधानीसम्बन्धी केही प्रस्ताव परिमार्जन गरेर घटाए पनि सहमति हुन सकेन।
आइतबार बसेको प्रदेशसभा बैठकमा विशेष समितिको तर्फबाट प्रतिवेदन सार्वजनिक गर्दै लोकतान्त्रिक समाजवादी पार्टी (लोसपा) का प्रमुख सचेतक परमेश्वर साहले गोप्य मतदानमा जानुपर्ने सहितका ६ वटा निष्कर्ष निकालेको बताएका थिए।

सोमबार बिहान ११ बजे बोलाइएको प्रदेशसभा बैठकमा राजधानी तथा नामाकरणसमबन्धीका प्रस्तावमाथि जारी छलफलपछि राजधानी टुंग्याउन पहिले मतदान हुने बताइएको छ।

Center article

सत्तारूढसँगै विपक्षी दल तथा सांसदहरु विभाजित भएकाले दोस्रो पटक हुन लागेको मतदानबाट समेत राजधानी र नामाकरण टुंगो लाग्ने सम्भावना नरहेको एक नेताले बताए।

यसअघि चैत २०७६ मा पनि नाम र राजधानी टुंग्याउन गरिएको कुनै प्रस्तावमा दुई तिहाई मत पुग्न सकेको थिएन। प्रदेशको नाम र राजधानी टुंग्याउन प्रदेश २ का कुल १०४ सांसद्को दुई तिहाई मत आवश्यक पर्छ।

याे पनि हेर्नुस्
प्रतिक्रिया दिनुहाेस्

Your email address will not be published.