Khabar Board
Flash logo up side
flash header

मापदण्ड नबन्दा दुई महिना अघि खरिद गरेको डडेल्धुराको अमरगढीले किनेको नगरबस थन्कियो

Nirbachan m

डडेल्धुरा । डडेल्धुराको अमरगढी नगरपालिकले २ महिनाअघि खरिद गरेको नगरबस थन्किएको छ। नगर बस सञ्चालन गर्न आवश्यक मापदण्ड बनाउन नसक्दा सेवा सुरु गर्न नसकिएको अमरगढी नगरपालिका निमित्त प्रमुख प्रशासकीय अधिकृत हेमन्त पन्तले बताए।

बस सञ्चालनको मापदण्डमा बस भाडा तथा बसका चालक तथा सह–चालकको तलब भत्ता समेत समावेश गर्नुपर्ने व्यवस्था छ। कार्यविधिको मस्यौदा नै तयार नभएकाले बस सञ्चान गर्ने अझै समय लाग्ने नगरपालिकाले जनाएको छ।

कार्यविधि नगर कार्यपालिकाले पास गरेपछि मात्र मान्य हुने गरेको छ। तर, अमरगढी नगरपलिकामा २ महिनादेखि कार्यपालिका बैठक बस्न सकेको छैन।

Center article

नगरपालिकाका अनुसार ठेक्का सम्झौता मार्फत चालकसहित ३६ सिट पास भएको बस खरिद गरिएको हो। बस खरिदका लागि नगरपालिकाले ३६ लाख रुपैयाँको टेण्डर आह्वान गरेको गरेको थियो। ३५ लाख ७० हजार रुपैयाँमा बस खरिद गरिएको नगरपालिकाले जानकारी दिएको छ।

खरिद गरेको बस तत्काल सञ्चालन गरेर नागरिकलाई सेवा दिनुपर्ने नगरवासीको माग छ। अमरगढी नगरपालिका–११ का स्थानीयले सार्वजनिक सवारीका साधन नपाइने भन्दै नगरपालिकाले नगरबस सञ्चालन गर्नुपर्ने माग राख्दै आन्दोलन गरेका थिए।

याे पनि हेर्नुस्
प्रतिक्रिया दिनुहाेस्

Your email address will not be published.