काठमाडौं ।
पश्चिमी न्यून चापीय प्रणालीको अंशिक प्रभाव रहेको नेपालमा आज बिहान पहाडी भू–भागमा आंशिक बदली रही अन्य भू–भागमा मौसम सामान्यतया सफा रहेको छ ।
जल तथा मौसम विज्ञान विभागका अनुसार आज दिउँसो पहाडी भू–भागमा आंशिक बदली रही अन्य भू–भागमा मौसम सामान्यतया सफा रहनेछ ।
प्रदेश १ र गण्डकी प्रदेशका पहाडी भू–भागका एक वा दुई स्थानमा मेघगर्जन र चट्टयाङसहित हल्का वर्षाको सम्भावना रहेको छ ।
पूर्वी हिमाली भू–भागको एकदुई स्थानमा हल्का हिमपातको सम्भावना रहेको छ ।
विभागका अनुसार आज राति देशको गण्डकी प्रदेश र प्रदेश १ का पहाडी भू–भागमा आंशिक बदली रहने छ । अन्य भू–भागमा मौसम सामान्यतया सफा रहनेछ ।