हेटौंडा/ भुटनदेवी माध्यमिक विद्यालय, हेटौंडा–४ मा २०८३ जेठ ०८ गते उत्कृष्ट विद्यार्थी, अभिभावक तथा शिक्षक सम्मान एवं नवआगन्तुक विद्यार्थी स्वागत कार्यक्रम सम्पन्न भएको छ।
विद्यालयले शैक्षिक उत्कृष्टता, अनुशासन तथा विद्यालयप्रतिको योगदानको कदर गर्दै विभिन्न विधामा उत्कृष्ट विद्यार्थी, अभिभावक र शिक्षकलाई सम्मान गरेको थियो। कार्यक्रममा नवआगन्तुक विद्यार्थीहरूलाई विद्यालय परिवारमा स्वागत गर्दै सफल शैक्षिक यात्राको शुभकामना समेत व्यक्त गरिएको थियो।
कार्यक्रममा विद्यालय व्यवस्थापन समिति, शिक्षक, अभिभावक, विद्यार्थी तथा स्थानीय व्यक्तित्वहरूको सहभागिता रहेको थियो। सहभागीहरूले गुणस्तरीय शिक्षासँगै सकारात्मक शैक्षिक वातावरण निर्माणमा सबै पक्षको सहकार्य आवश्यक रहेकोमा जोड दिएका थिए।
विद्यालय प्रशासनले यस्ता कार्यक्रमले विद्यार्थीमा थप उत्साह, जिम्मेवारी र प्रतिस्पर्धात्मक भावना विकास हुने विश्वास व्यक्त गरेको छ।
