मेष (चु, चे, चो, ला, लि, लु, ले, लो, अ)
यो साता मन पर्ने बस्त्र, अलंकार आदि उपहार पाइने योग छ । रोकिएका महत्त्वपूर्ण कामको पुन: थालनी हुन सक्छ । वैदेशिक क्षेत्रको काम भने विस्तारै अगाडि बढ्न सक्छ । राजनैतिक र सामाजिक क्षेत्रमा सफलता मिल्नेछ । जग्गा जमिनको कारोबार गर्दा राम्रो प्रतिफल आउन सक्छ ।
वृष (इ, उ, ए, ओ, वा, वि, वु, वे, वो)
साताको सुरुका दिनमा लामो समयदेखि रोकिएका अधुरा काम पुन: सुरु हुन सक्छ । मनोरञ्जनका साथै धार्मिक यात्रामा रुचि बढ्नेछ । पठन पाठनका क्षेत्रबाट लाभ लिन सकिनेछ । मध्य साताबाट क्रोध, प्रतिशोध, रिसराग र आवेग माथि नियन्त्रण गर्नु राम्रो हुनेछ । स्वास्थ्य प्रति पनि सचेत रहनुहोला ।
मिथुन (का, कि, कु, घ, ङ, छ, के, को, हा)
यो हप्ता अध्ययनमा त्यति ध्यान दिन नसकिएला । गरेको काममा ढिलासुस्ती हुनेछ । स्वास्थ्य प्रतिकूल र चोट पटकको भय छ, सचेत रहनुहोला । मनमा चञ्चलता समेत बढ्नेछ । मध्य साताबाट धर्म, कर्म तथा समाजसेवामा मन लाग्नेछ । आकस्मिक धन लाभ हुनेछ ।
कर्कट (हि, हु, हे, हो, डा, डि, डु, डे, डो)
यो साता आफ्नो कर्तव्य तथा समाजसेवामा मन लाग्नेछ । लामो समयदेखि रोकिएका अधुरा कामहरू पुरा हुनेछन् । शुभ कार्यमा सरिक भइनेछ । साताको अन्त्यमा बोलीको विपरीत अर्थ लाग्न सक्छ अत: संयम रहनु होला । आर्थिक मन्दी पनि आउन सक्छ ।
सिंह (मा, मि, मु, मे, मो, टा, टि, टु, टे)
यो साता धार्मिक तथा समाज सेवामा मन लाग्नेछ । जुक्तिको प्रयोग गर्न सके एकपछि अर्को अवसर आउने र मन पनि प्रसन्न रहनेछ । सामाजिक कार्यमा मन जानेछ । शेयर बजारबाट लाभ नै होला । राजनैतिक क्षेत्रमा पनि राम्रै सफलता मिल्नेछ ।
कन्या (टो, पा, पि, पु, ष, ण, ठ, पे, पो)
यो साता नयाँ ज्ञान सिक्ने मौका मिल्नेछ । प्राविधिक तथा टेक्निकलका क्षेत्रबाट बढी सफलता मिल्नेछ । कुनै कुरा र समाचारले मनमा शान्ति छाउनेछ । बोलीको भरमा कार्य सम्पादन हुनेछ । साताको अन्त्यमा बेसुरमा वचन दिने बानीले अप्ठ्यारो पार्न सक्छ । प्रेममा मनमुटावका साथै मन कमजोर रहला ।
तुला (रा, रि, रु, रे, रो, ता, ति, तु, ते)
यो साता झन्झटिलो काममा संलग्न हुनुपर्ने समय छ । हल्लाको भर पर्दा दुख पाइने र गरेका काममा ढिलासुस्ती हुनेछ । शरीरमा स्फूर्ति र उमङ्गको कमी हुनेछ । मध्य सातामा शुभकार्यको चर्चा चल्नेछ । शेयर बजारको कारोबारमा सफलता पाइनेछ ।
वृश्चिक (तो, ना, नि, नु, ने, नो, या, यि, यु)
यो साता रमणीय र सुखद् यात्राको योग छ । प्रविधि मार्फत साथी भाइको भेटघाटले मन प्रफुल्ल रहला । धार्मिक र सांस्कृतिक सभासमारोहमा सरिक हुने अवसर मिल्नेछ । मध्य सातामा अरुको भलाइका लागि दौडधुप गर्नु पर्नेछ ।
धनु (ये, यो, भा, भि, भु, धा, फा, ढा, भे)
यो हप्ता अचल सम्पत्ति हात पर्ने योग छ । पठनपाठन र प्राज्ञिक क्षेत्रबाट लाभ मिल्नेछ । रोकिएको काम दोहोर्याएर प्रयत्न गर्दा सफलता मिल्नेछ । मनमा हर्ष, उमङ्ग र उत्साह छाउनेछ । आफ्नो क्षेत्रमा प्रभुत्व जमाउन सकिनेछ ।
मकर (भो,जा,जि,जु,जे,जो,ख,खि,खु,खे,खो,गा,गि)
यो साता छोटो दुरीको लाभदायक यात्रा रहला । प्रेमीबाट विषेश सहयोग मिल्नेछ । रोकिएका काम पुन: सुरु हुन सक्छन् । सुन्दर पहिरनले व्यक्तित्वमा निखारता ल्याउनेछ । प्रेम र मित्रताको बन्धन कसिने बेला छ । सातको मध्यमा भने लगनशीलताको कमीले गर्दा ठूलो उपलब्धि हातपार्न नसकिएला ।
कुम्भ (गु, गे, गो, सा, सि, सु, से, सो, दा)
यो साता शंका तथा डरका कारण बनिसकेको काममा दुबिधा उत्पन्न हुन सक्छ । अरुको भरपर्दा धोकामा परिने हानी हुने र विश्वास गुम्नसक्छ । मध्य सातामा भने शुभकार्यको चर्चा चल्नेछ । वैदेशिक र न्यायिक कार्यमा सफलता मिल्नेछ । मनोरञ्जनका साथै धार्मिक कार्यमा रुचि पनि बढ्नेछ ।
मीन (दि, दु, थ, झ, ञ, दे, दो, चा, चि)
यो साता आज नयाँ कार्य वा रोजगारको अवसर मिल्नेछ । समाजसेवा र राजनैतिक क्षेत्रमा सफलता मिल्नेछ । धार्मिक, सामाजिक र अरुको हित हुने काममा समय व्यतीत हुनेछ । नयाँ व्यक्तिसँग भेटघाट र सहकार्य गर्ने समय छ । शेयर बजार भने सामान्य नै रहनेछ । (अधिक जानकारीका लागि तुलसी भारद्वाज 977-9849559502)
